मुख्य खबर

झापाकाे गाैरादह नगरपालिकामा बम बिष्फाेट



काठमाडौं । अज्ञात समूहले बम विष्फोट गराउँदा प्रमुख प्रशासकीय अधिकृत सागर मिश्रले प्रयोग गर्दै आएको बा २ झ २५७० नम्बरको बोलेरो गाडी पूर्णरुपमा क्षति भएको जिल्ला प्रहरी कार्यालय झापाले जनाएको छ ।

त्यस्तै बिर्तामोड नगरपालिका-२ मा रहेको सहारा नेपाल सहकारी संस्थाको नवनिर्मित भवनमा पनि गएरातिनै बम विष्फोट भएको छ ।

सहकारीको मूल गेटमा शक्तिशाली बम विष्फोट गराइएका कारण सहकारीको गेट, गार्ड रुम, सहकारीको भवनमा सामान्य क्षती पुगेको छ ।

घटनामा संलग्न भएको आशङ्कामा प्रहरीले दुई जनालाई राति नै नियन्त्रणमा लिएको छ । नेत्रविक्रम चन्द विप्लव समूहका कार्यकर्ताले बम विष्फोट गराएको हुनसक्ने प्रहरीले आशंका गरेको छ तर घटनाको जिम्मेवारी कसैले पनि लिएका छैनन् ।

यसअघि विर्तामोड नगरपालिकाको संयुक्त वडा कार्यालयमा समेत बम विष्फोट भएको थियो ।

सम्बन्धित समाचार शीर्षकहरु