मुख्य खबर

नेपाल इन्भेष्टमेन्ट बैंकको ५ अर्ब ऋृण नउठेपछि व्यवस्थापकहरु तनावमा ….

सर्वसाधरणले खाई नखाई पसिना बगाएर आर्जेको रकम बैकमा जम्मा गर्दछन् । तर बैंकका हाकिमहरुले सो रकमको कसरीसम्म दुरुपयोग गर्दा रहेछन् भन्ने एउटा डरलाग्दो तथ्य सार्वजानिक भएको छ । नेपाल राष्ट बैंकले हालै गरेको सुक्ष्म अध्ययनको क्रममा यस प्रकारको गम्भीर गडबडी नेपाल इन्भेष्टमेन्ट बैंकबाट भइरहेको फेला परेको हो । यही कारण हो नेपाल इन्भेष्टमेन्ट बैंक एक पछि अर्काे फन्दामा पर्दैछ । इन्भेष्टमेन्ट बैंकले प्रवाह गरेको ऋृण एक पछि अर्काे डुबेपछि बैंक संकट चुलिएको छ । सो बैंकले प्रवाह गरेको अर्बाैको कर्जा डुबेपछि बैंकको संकटमात्र चुलिएको छैन् ।

Image result for nepal investment bank"

निकामक निकाय नेपाल राष्ट्र बैंकले समेत एक्सन लिएको छ । सो बैंकले प्रवाह गरेको ठूलो कर्जा नउठेपछि बैंकका टाउकाहरुलाई तनाव शुरु भएको छ । बैंकले प्रवाह गरेको झण्डै सात अर्ब रुपैंया डुब्ने अवस्थामा पुगेको छ । त्यही कारण हो सो बैंकको एकातिर नाफामा धक्का लागेको अर्काेतिर शेयर होल्डरहरुलाई उचित प्रतिफल दिन नसकेको । बैंकले तीन ओटा ठूला ऋणीलाई विना धितो, विना जवानी झण्डै ५ अर्ब रुपैयाँ ऋण प्रवाह गरेको थियो सो रकम उठ्न सकेको छैन् । इटालियन ठेकेदार कम्पनी (सीएमएसी), अन्नपूर्ण सुगर मिलका सञ्चालक आरके अग्रवाल र कोइला आयातकर्ता व्यापारी श्याम मललाई प्रवाह गरिएको कर्जा नउठे पछि बैंकको नाफामा समेत नराम्ररी धक्का लाग्न पुगेको हो । मेलम्ची परियोजनाको ठेक्का हात पारेर बीचमा गजेन्द्र ठाकुर र विना मगरका कारण देशै छाडेर भागेको सिएमसीका लागि सो बैंकले काउन्टर ग्यारेन्टीबापतको झण्डै २ अर्व प्रवाह गरेको थियो । सो रकम नउठ्ने पक्का छ । यस्तै अहिले डुबेका चिनी उद्योगी आरके अग्रवालको अन्नपूर्ण सुगर मिलका लागि १ अर्ब २५ करोडभन्दा माथि ऋृण प्रवाह गरेकोमा सो ऋृण समेत उठ्न सकेको छैन् ।

यस्तै अर्काे व्यापारी श्याम मल जो कोइला आयातकर्ता हुन् । उनीलाई दिइएको १ अर्ब २५ करोड ऋृण उठेको छैन् । झण्डै ५ अर्ब ऋृण नउठेको बिषयलाई लिएर अहिले निायमक निकाय तातेको छ । नेपाल राष्ट बैंकले इन्भेस्टमेन्ट बैङ्कमा प्रवाह गरिएको कर्जाका फाइलमाथि अध्ययन अघि बढाएको छ । राष्ट बैंकले इन्भेष्टमेन्ट बैंकका उच्च पदस्थहरुले यी तीन व्यापारीसँग कमिसन लिएर ऋण दिएको वा त्यहाँ आफ्ना आफन्त रहेको हुन सक्ने अनुमान गरी फाइल मगाएर अध्ययन गरिरहेको छ ।

सम्बन्धित समाचार शीर्षकहरु