Nabil Bank
prabhubank
nic bank

नेपाल चलचित्र पत्रकार संघद्वारा ‘चलचित्र पत्रकारिता सम्मान र पुरस्कार’ प्रदान

मिडिया स्पेस सोलुसन्स प्रालि

९ जेठ, काठमाण्डौँ-  नेपाल चलचित्र पत्रकार संघले आफ्नो १८औँ वार्षिकोत्सव मनाउँदै ‘चलचित्र पत्रकारिता सम्मान र पुरस्कार’ प्रदान गरेको छ । यो वर्ष चलचित्र पत्रकारिता सम्मानबाट नवराज लम्साल सम्मानित भए । त्यस्तै, चलचित्र पत्रकारिता पुरस्कारबाट पारस पौडेल र विजय सुवेदी ‘आवाज’लाई पुरस्कृत गरियो । पौडेल र सुवेदीलाई सम्मानपत्र, ट्रफी र २१ हजार रुपैयाँ प्रदान गरियो ।

काठमाडाैँमा आइतबार आयोजित कार्यक्रममा नेपाल पत्रकार महासंघका अध्यक्ष डा. महेन्द्र विष्ट र कलाकार हरिवंश आचार्यले सम्मान तथा ट्रफी हस्तान्तरण गरे । यही वर्षबाट सुरु गरिएको ‘चलचित्र पत्रकारिता प्रोत्साहन पुरस्कार’ स्वेच्छा राउतले पाइन् । उनलाई सम्मानपत्र, ट्रफी र ल्यापटप प्रदान गरियो ।

कार्यक्रममा नेपाल पत्रकार महासंघका अध्यक्ष महेन्द्र विष्टले चलचित्र पत्रकारहरूले नेपाली चलचित्र क्षेत्रको विकासमा ठूलो योगदान पु¥याएको बताए भने कलाकार हरिवंश आचार्यले चलचित्र पत्रकारिता थप व्यावसायिक हुँदै गएकोमा खुसी व्यक्त गरे ।

कार्यक्रममा कलाकार दीपक क्षेत्रीको उपचारका लागि चलचित्र पत्रकार संघको पहलमा संकलन भएको सात लाख ३ हजार ३ सय ३५ रुपैयाँ पनि हस्तान्तरण गरिएको थियो । संघका अध्यक्ष सन्दीप सापकोटाको सक्रियतामा प्रारम्भ भएको रकम संकलन अभियान विदेशसम्म पुगेको थियो ।

अध्यक्ष सापकोटाले संघले चलचित्र पत्रकारको हकहितका लागि सधैँ काम गरिरहने प्रतिबद्धता व्यक्त गरे । पुरस्कार प्राप्त गरेपछि पत्रकार विजय सुवेदीले चलचित्र पत्रकारितामा थप ऊर्जा मिलेको सुनाए । ‘जुन तरिकाले विभिन्न आरोह–अवरोह आउँदा पनि काम गरेँ, त्यसको प्रतिफल मिलेको आभाष भएको छ,’ उनले भने, ‘आगामी दिनमा अझै सशक्त चलचित्र पत्रकारिता गर्नेछु ।’ पुरस्कृत पौडेल र राउतले पनि संघप्रति आभार जनाए ।

कार्यक्रममा संघका संस्थापक अध्यक्ष भरत शाक्य र पूर्वअध्यक्ष विदुर गिरीले चलचित्र पत्रकारिता अझ परिस्कृत बन्दै गएकोमा सन्तुष्टि व्यक्त गरे । संघले हरेक वर्षको जेठ ७ गते स्थापना दिवस मनाउँदै आएको छ ।

नेपालकै पहिलो अन्तर्राष्ट्रिय गायन तथा नृत्य रियालिटी शो आयोजना हुने

नेपालकै पहिलो अन्तर्राष्ट्रिय गायन तथा नृत्य रियालिटी...

वि.सं.२०७९ पुस १३ बुधवार १२:३४

काठमाडौं । इन्ट्रा नेशनल वेलफेयर एण्ड सपोर्ट फाउन्डेसन अफ अमेरिकाको...

नेपाल इन्भेष्टमेन्ट बैंकको लाभांश पारित, पुस २७ गतेदेखि एकीकृत कारोबार गर्ने

नेपाल इन्भेष्टमेन्ट बैंकको लाभांश पारित, पुस २७...

वि.सं.२०७९ पुस ८ शुक्रवार ०७:४४

काठमाडौं । नेपाल इन्भेष्टमेन्ट बैंकको प्रस्तावित लाभांश पारित भएको छ...

एमालेले नेपाली झण्डासहितको पानी जहाज सञ्चालन गर्ने, घोषणापत्रमा अरू के-के छ ? (पूर्णपाठ सहित)

एमालेले नेपाली झण्डासहितको पानी जहाज सञ्चालन गर्ने,...

वि.सं.२०७९ कात्तिक १५ मंगलवार २१:१५

एमालेले सामुद्रिक बन्दरगाह प्रयोग गरी नेपाली झण्डासहितको पानी जहाज सञ्चालन...

सेयर बजारले आज चुम्यो शिखर, ५६.१० अंकले बढ्दा कति भयो कारोबार ?

सेयर बजारले आज चुम्यो शिखर, ५६.१० अंकले...

वि.सं.२०७९ कात्तिक १५ मंगलवार १६:३६

सेयरबजारमा आज उछाल आएको छ। नेपाल स्टक एक्सचेन्जका अनुसार नेप्से...

होटेल याक एन्ड यतीमा एमाले अध्यक्ष ओलीले आज चुनावी घोषणापत्र सार्वजनिक गर्ने

होटेल याक एन्ड यतीमा एमाले अध्यक्ष ओलीले...

वि.सं.२०७९ कात्तिक १५ मंगलवार ०८:३१

प्रमुख प्रतिपक्षी दल नेकपा (एमाले)को चुनावी घोषणापत्र आज सार्वजनिक गरिने...

आज तिहारको तेश्रो दिन गाईपूजा गरिदै

आज तिहारको तेश्रो दिन गाईपूजा गरिदै

वि.सं.२०७९ कात्तिक ८ मंगलवार ०८:२०

तिहारको तेस्रो दिन आज (मंगलबार) गाईको पूजाआजा गरी मनाइँदैछ। वैदिक...