Global IME Bank Limited
Everest Bank
Nmb bank

मेरा निम्ति मतदाताहरु विपक्षी हुने छैनन्- नवराज संजेल

sanimareliance life
nic asia bank 2
मिडिया स्पेस सोलुसन्स प्रालि
Global IME Bank Limited
Machhapuchchhre Bank

वि.सं. २०४० वैशाख २७ गते पिता शालिकराम संजेल र माता गोमा संजेलको कोखबाट ललितपुरको वाग्मती गाउँपालिका वडा नं. ७ मा जन्मिएका नवराज संजेल  सानैदेखि तीक्ष्ण र दुरदर्शी स्वभावका थिए । ०५२ सालमा अनेरास्वियु नेकपा एमालेका विभिन्न तहका संगठन रही काम गर्नुभएका संजेल गत वैशाख ३१ गतेको स्थानीय निर्वातनमा वाग्मती गाउँपालिकाबाट वडा नं ७ गिम्दीबाट वडाध्यक्षमा अत्याधिक बहुकतले विजयी भएका छन् । ललितपुरको सातदोबाटोमा रहेको रिजेन्ट इन्टरनेसनल स्कुलका सञ्चालक रहेका उनै वडाध्यक्ष सञ्जेलसँग पत्रकार  सन्तोष दाहालले गरेको कुराकानी।

१. २० वर्षपछी सम्पन्न स्थानीय निर्वाचनबाट वडाध्यक्षमा बहुमत हासिल गर्दा कस्तो अनुभव भएको छ ?

धेरै लामो समयपछि स्थानीय चुनाव सम्पन्न भएको छ । स्थानीय निकालयले जनताबाटै निर्वाचित जनप्रतिनिधि पाएको छ । जसलाई स्थानीय सरकार परिभाषित गरिएको छ । वडाध्यक्ष भनिएतापनि जिम्मेवारीको हिसाबले यसले पहिलेको वडाध्यक्षभन्दा धेरै बढी कामहरु गर्ने अधिकार प्राप्त गर्दछ । तसर्थ यस निर्वाचनपश्चात धेरै ठूलो र महत्वपूर्ण जिम्मेवारी प्राप्त गरेको महशुस गर्दैछु ।

२. वडा नं ७ को विकासका लागि तपाइका योजना र एजेण्डाहरु केके छन् ?

साविकको गिम्दी गाविसलाई भौगोलिक हिसाबले हेर्दा काठमाडौँ उपत्यका भित्रको कर्णालीको रुपमा चिनिन्छ । यहाँ धेरै समस्या र चुनौतीका साथै विकासका सम्भावनाहरु पनि छन् । समस्या र चुनौतीलाई अवशरको रुपमा लिएर अघि बढ्ने म र सिँगो मेरो टिमको योजना रहेको छ । सिँगो बाग्मती गाउँपालिकाका सन्दर्भमा  हाम्रो पार्टीले तयार पारेको घोषणापत्रलाई पूर्णरुपमा पालना गर्ने घोषणा  गर्दै यस वडाका वासिन्दालाई केन्द्रमा राखेर वडावासीका सुखदुखमा साथ दिने वचनवद्धता हामी व्यक्त गर्दछौ । जसका बुँदाहरुलाई निम्नानुसार उल्लेख गरेका छौ ।

–वडाभित्र रहेका सम्पूर्ण विद्यालयको स्तरोन्नति गर्दै यहाँको शैक्षिक विकासलाई दक्षिण पहाडकै नमुना शैक्षिक हव वनाउने र बालमैत्री शिक्षा सञ्चालनको व्यवस्था मिलाउने ।

–स्वास्थ्य नै धन हो भन्ने नारालाई आत्मसाथ गर्दै समयसमयमा स्वास्थ्य शिविर सञ्चालन गरी गिम्दीमा कम्तीमा दश वेडको अस्पताल सञ्चालन गरी पार्टीकै  नीतिबमोजिम एक गाउँ एक डाक्टर स्थापना गर्ने ।

–एक घर एक धाराको अवधारणा अनुसार गिम्दीको पानीको मुहान संरक्षण गर्दै श्रोत बढाउने, २ वर्षभित्र गिम्दीलाई खानेपानी समस्यामुक्त क्षेत्र घोषणा गर्ने ।

–खुल्ला दिशामुक्त क्षेत्रको नियमित अनुगमन गर्ने ।

–युवाशक्तिलाई गलत बाटोबाट मुक्त गर्दै सामाजिक कार्यमा परिचालन गराउन गोष्ठी तथा तालिमको व्यवस्था मिलाईने ।

–खेलकुदको क्षेत्र विकास गरी युवाहरुले राष्ट्रिय अन्तराष्ट्रिय  क्षेत्रमा नाम राख्न विशेष प्रोत्साहनका कार्यक्रम सञ्चालन गर्ने ।

–सुभानेदेखि कटुवा, नागटार र खैरेखोलासम्मको सडकलाई स्तरोन्नति गरी कम्तीमा ३ वर्षमा कालोपत्रे गरिने । सबै वस्तीमा सडक सञ्जाल विस्तार गरिने ।

–गिम्दीका हरेक घरमा केन्द्रीय विद्युत लाइन विस्तारलाई प्राथमिकतामा राखिने ।

–यहाँ रहेका हरेक धार्मिक मठमन्दिर, सांस्कृतिक गुम्बा तथा गुफलाई धार्मिक तथा पर्यटकीय क्षेत्रको रुपमा विकास गरी मगरगाउँ क्षेत्रलाई जातीय पहिचान गराई होमस्टेको रुपमा विकास गर्ने ।

–वडाभित्र रहेका वृद्धवृद्धा तथा  ज्येष्ठ नागिरकलाई समय गुर्जानको लागि सत्सङ भवन तथा जेष्ठ नागरिक भवन निर्माण गर्ने ।

–कृषि आधुनिकीकरणमा जोड दिँदै वडाको कृषि उत्पादन वृद्धि गर्न बजार तथा सिँचाई सुविधा विस्तार गरिने ।

३.वडाभित्रका समस्या र चुनौतीहरु केके छन् ?

समस्या र चुनौती धेरै छन् । त्यहीभित्र सम्भावना पनि छन् । चुनौतीलाई अवशरको रुपमा लिएर हामी अधि बढ्छौ । विकट क्षेत्र भएकाले सडक सञ्जाल, खानेपानी, स्वास्थ्य सेवा, शिक्षाको गुणस्तर, सामाजिक सांस्कृतिक चेतनाको अभाव, परम्परागत कृषि र आधुनिकीकरण र प्रविधिको अभाव जस्ता तत्कालीन समस्या तथा चुनौतीहरु रहेका छन् ।

४.विपक्षी दल तथा मतदाताहरुलाई अब कसरी समेट्नु हुन्छ ?

मेरा निम्ति मतदाताहरु विपक्षी हुने छैनन् । राजनीतिक दलका उम्मेदवार नेता तथा कार्यकर्ताहरु मेरै क्षेत्रका जनता हुन् भनेर सम्मानजनक व्यवहार गर्छु । निरन्तर रुपमा यहाँको विकास र विस्तारमा सक्रिय हुनेछु । जसमा राजनीतिक पार्टी, जाति,भाषा र धर्मको आधारमा विभेद नगरी समावेशी ढङगबाट अगाडि बढ्छु ।

५.आफुलाई अमुल्य मत दिएर विजयी गराउने मतदातालाई के भन्नुहुन्छ ?

स्थानीय निर्वाचनमा वडा नं ७ बाट अमुल्य मत दिएर म र मेरो प्यानललाई अत्याधिक मतले विजयी गराउने मतदाताहरुलाई हार्दिक आभार र धन्यवाद ज्ञापन गर्दै गिम्दीवासी जनताको निम्ती हरेक दुखसुखमा साथ दिदैँ वर्तमान परिस्थितीलाई विकाससँग जोड्दै जनताको जीवनस्तर र जीवनशैलीलाई उकास्दैँ मेरो ५ वर्षे कार्यकाल जनअपेक्षामुखी बनाउने प्रतिवद्धता व्यक्त गर्दछु ।

साभार : छलफल साप्ताहिक

प्रदेश बलियो बनाउन प्रहरी प्रशासन र जिल्ला प्रमुख प्रदेश मातहत हुनुपर्छ : पोखरेल

प्रदेश बलियो बनाउन प्रहरी प्रशासन र जिल्ला...

वि.सं.२०८० फागुन ७ सोमवार ०९:५१

काठमाडौं । बागमती प्रदेशका सांसद् केशव पोखरेलले संघीयता बलियो बनाउन...

सेयर धनीलाई नमन गर्दै एनआईसी एशियाले निकाल्यो आभारपत्र

सेयर धनीलाई नमन गर्दै एनआईसी एशियाले निकाल्यो...

वि.सं.२०८० फागुन ४ शुक्रवार १२:३०

काठमाडौँ । सबै सरोकारवालाहरुको पहिलो रोजाईको बैंक बन्ने संकल्पका साथ...

एनआईसी एशिया बैंकको गम्भीर ध्यानाकर्षण, आधारहिन समाचारबाट भ्रमित नहुन हार्दिक अनुरोध

एनआईसी एशिया बैंकको गम्भीर ध्यानाकर्षण, आधारहिन समाचारबाट...

वि.सं.२०८० फागुन १ मंगलवार १७:५८

  काठमाडौं । ‘बैंक पनि साथी पनि, राम्रो पनि हाम्रो...

‘समुदाय र सदस्य केन्द्रीत सहकारी बैंकभन्दा राम्रा छन्’

‘समुदाय र सदस्य केन्द्रीत सहकारी बैंकभन्दा राम्रा...

वि.सं.२०८० माघ २९ सोमवार १२:०१

  काठमाडौं । बागमती प्रदेश बचत तथा ऋण सहकारी संघ...

सोनापुर मिनरल्स् एण्ड आयल लिमिटेडको १६ औँ वार्षिक साधारण सभा सम्पन्न

सोनापुर मिनरल्स् एण्ड आयल लिमिटेडको १६ औँ...

वि.सं.२०८० माघ २८ आइतवार ०५:०२

  काठमाडौं । सोनापुर मिनरल्स् एण्ड आयल लिमिटेडको१६ औँ वार्षिक...

मौद्रिक नीति खुकुलो बनाउन उद्योगी व्यवसायीको राष्ट्र बैंकलाई आग्रह

मौद्रिक नीति खुकुलो बनाउन उद्योगी व्यवसायीको राष्ट्र...

वि.सं.२०८० माघ २४ बुधवार १४:२०

  काठमाडौं । उद्योगी व्यवसायीले शोधानान्तर स्थिति र चालु खाता...