मेगा बैंकको थप ६ नयाँ एक्सटेन्सन काउन्टर विस्तार
Friday Jul 13, 2018
वि.सं.२०७५ असार २९ शुक्रवार ०५:०४
काठमाडौं–मेगा बैंक नेपाल लिमिटेडले थप ६ वटा नयाँ एक्सटेनसन काउन्टरहरु विस्तार गरेको छ ।
गाउँ–गाउँमा शाखा सञ्जाल विस्तार गर्ने क्रममा मेगा बैंकले सुनसरीको बराहा नगरपालीकाको चक्रघाँटी, कोशी गाउँपालीकाको लौकहि, अर्घाखाँचीको मालारानी गाउँपालीका, गुल्मीको रुरु गाउँपालीका, धनुषाको मिथिलाबिहारी नगरपालीकाको तारापाटी र पाल्पाको माथागढी गाउँपालीका गरि ६ नयाँ स्थानमा एक्सटेनसन काउन्टरहरु विस्तार गरेकोे हो ।
योसँगै मेगा बैंकको एक्सटेनसन काउन्टर संख्या १४ पुगेको छ । ९८ वटा शाखा रहेको मेगा बैंकका ७४ वटा एटीएम सञ्जाल, ११९ वटा शाखारहित केन्द्रहरु र २ हजारभन्दा बढी मेगा रेमिट एजेण्ट छन् ।
बैंकिङ सुविधा नपुगेका ग्रामीण भेगमा अत्याधुनिक बैंकिङ सुविधा उपलब्ध गराउने उद्देश्यले मेगा बैंकले एक्सटेनसन काउन्टर विस्तारलाई तीव्रता दिइरहेको जनाएको छ ।
