Nabil Bank
Everest Bank Limited
prabhubank

युवाले थाले सामूहिक कृषि उत्पादन

मिडिया स्पेस सोलुसन्स प्रालि

रुकुम पश्चिम चौरजहारी नगरपालिकका युवा सामूहिक कृषि उत्पादनमा जुटेका छन्।

कृषिमा आधुनिकीकरण गरी आर्थिक समृद्धि प्राप्त गर्न लागि सामूहिक कृषि उत्पादन सुरु गरेको बताइएको छ। वडा न। ५ मा भैँसी पालन, ६ मा तरकारी उत्पादन र वडा न। १० मा बाख्रापालन सामूहिक रूपमा सुरु गरिएको छ।

सात युवा मिलेर ११ वटा भैँसी पालिएको छ। एक वर्षमा १५ देखि २० वटासम्म पुर्‍याउने लक्ष्य राखिएको छ। स्थानीय युवाहरु मिलेर नगरपालिकाको साझेदारीमा सामूहिक भैँसीपालन गरी दूध उत्पादन गरेर चौरजहारीको बजारमा पुर्‍याउने लक्ष्य राखिएको कृषक गोरख रावतले बताए।

उनका अनुसार अहिले फार्ममा चार वटा दुहुना छन् भने अन्य बेहुने छन् र फार्मबाट उत्पादन भएको दूध गाउँ र स्थानीय बजारमा पुर्‍याउने गरिएको छ। ‘हामीले पहिलोपटक सामूहिक पशुपालनको अभ्यास थालेका छौँ। यो भर्खर सुरु भएकोले राम्रोसँग विश्वास दिलाउन सकेका छैनौँ’, उनले भने, ‘भाँडामा जग्गा लिएर घाँस उत्पादन गर्छौँ, सफल हुन् सकिन्छ कि सकिन्न हामी प्रयासमा छौँ।’

जसरी भएपनि सफल बनाएर नगरपालिकामा नमुना योग्य फार्म सामूहिक पशुपालनको भैँसी फार्म बनाउने उनको भनाइ छ। त्यस्तै वडा न। ६ को सामूहिक तरकारी उत्पादनमा आठ जना जुटेका छन्।

आफ्नै स्वलगानीमा तरकारी फार्म गरिएको कृषक चुस्कु रोकाको भनाइ छ। उनका अनुसार वडा न। ५ र ६ का युवाहरु मिलेर तत्काल पाँच वटा टनेलमा टमाटर, अकबरे खुर्सानी,चाइनिज बोडी र भण्टा लगाइएको छ।

‘स्थानीयको ८ रोपनी जग्गा भाँडामा लिएर उत्पादन सुरु गरेका छौँ’ उनले भने, ‘ताजा तरकारी उत्पादन गरेर चौरजहारी बजार र स्थानीय बजारमा पुर्‍याउने लक्ष्य राखेका छौँ।’ त्यस्तै वडा न। १० पनि सामूहिक बाख्रापालनका लागि प्राविधिकको सल्लाहमा भवन बनाइएको छ भने फार्ममा बाख्रा राख्ने तयारी पनि गरिएको छ। सुरुमा ४० देखि ५० वटासम्म बाख्रा राख्ने कृषक रोशन रानाले बताए।

उनका अनुसार अहिले बाख्रा खरिद गर्ने काम भइरहेको छ। नगरपालिकाका अन्य ठाउँका युवा पनि सामूहिक कृषि उत्पादनको लागि प्रक्रियामा रहेका छन्। बेरोजगार तथा विदेश गएर फर्किएका युवाहरु मिलेर सामूहिक कृषि उत्पादन गर्न सुरु गरेका हुन्।

नगर प्रमुख विशाल शर्माले पनि व्यावसायिक रुपमा कृषि उत्पादन गर्नेलाई नगरपालिकाले प्राविधिक, आर्थिक साझेदारी र बजारीकरणको लागि सहयोग गरिरहेको बताए। ‘सामूहिक तथा व्यक्तिगत व्यवसायिक कृषि उत्पादन गर्न खोज्नेलाई हामी सक्दो सहयोग गर्छौं’ उनले भने, ‘नीति बनाएर पनि त्यतातिर लागिरहेका छौँ।’

कृषि क्षेत्रका जानकारहरू नगरपालिकाले कृषकले उत्पादन गरेको वस्तुले बजार नपाए त्यसको मूल्य दिने नीति बनाएसँगै कृषितर्फ युवाको आकर्षण बढ्न थालेको बताउँछन्।

काठमाडौंमा बुधबारदेखि पाँचौं राष्ट्रिय मह मेला

काठमाडौंमा बुधबारदेखि पाँचौं राष्ट्रिय मह मेला

वि.सं.२०८१ वैशाख २५ मंगलवार १५:०१

  काठमाडौं । काठमाडौंमा बुधबारदेखि पाँचौं राष्ट्रिय मह मेला हुने...

कृषिमै आत्मनिर्भर हुनेगरी बजेट तथा कार्यक्रम ल्याउनुपर्छ : मन्त्री साह

कृषिमै आत्मनिर्भर हुनेगरी बजेट तथा कार्यक्रम ल्याउनुपर्छ...

वि.सं.२०८० चैत १२ सोमवार १७:३८

  काठमाडौँ । कृषि तथा पशुपंक्षी विकासमन्त्री ज्वालाकुमारी साहले कृषि...

पशु बीमा कम्पनीलाई ४८ करोड

पशु बीमा कम्पनीलाई ४८ करोड

वि.सं.२०८० चैत ५ सोमवार १६:२७

  काठमाडौं । सरकारले पशु वीमा कम्पनीलाई सहज बनाउन करिब...

दुग्ध किसानले एक साताभित्रै भुक्तानी पाउने गरी काम गरिरहेको छु : कृषिमन्त्री साह

दुग्ध किसानले एक साताभित्रै भुक्तानी पाउने गरी...

वि.सं.२०८० चैत ३ शनिवार १२:३६

काठमाडौं । कृषि तथा पशुपन्छी विकासमन्त्री ज्वाला कुमारी साहले एक...

‘कृषिजन्य उद्योगमा विद्युत निःशुल्क गर्नुपर्छ’

‘कृषिजन्य उद्योगमा विद्युत निःशुल्क गर्नुपर्छ’

वि.सं.२०८० माघ २७ शनिवार १९:३०

  काठमाडौं । कृषि तथा पशुपन्छी विकास मन्त्री बेदुराम भुसालले,...

कृषिमा आधारित उद्योगको विकासमा केन्द्रीत छौं : प्रधानमन्त्री

कृषिमा आधारित उद्योगको विकासमा केन्द्रीत छौं :...

वि.सं.२०८० माघ २० शनिवार १७:०१

सिन्धुली । प्रधानमन्त्री पुष्पकमल दाहाल प्रचण्डले कृषिमा आधारित उद्योगको विकासमा...