Global IME Bank Limited
Everest Bank
Nmb bank

यसरी जम्यो जिग्री र पाँडेको जोडी

sanimareliance life
nic asia bank 2
मिडिया स्पेस सोलुसन्स प्रालि
Global IME Bank Limited
Machhapuchchhre Bank

 

कुमार कट्टेल (जिग्री) र अर्जुन घिमिरे (पाँडे) टेलिसिरियल ‘भद्रगोल’का चर्चित पात्र हुन् । केही समय स्थगित ‘भद्रगोल’ पुनः सु भएको छ । एक दशकदेखि कलाकारिता गरिरहेका जिग्री र पाँडेका टेलिसिरियल मात्र होइन, देशविदेशका स्टेज कार्यक्रमहरूमा पनि प्रस्तुति खुब जम्छ । उनीहरूले एकअर्कालाई कसरी बुझेका छन् त ?  पढौँ

 

कुमार कट्टेल (जिग्री)

पाँडेसँग कहिले भेट भयो ?

सात वर्षअगाडि मिडिया लिग फुटबल आयोजना भएको थियो । गेम सकिएपछि पार्टीमा उहाँ र मेरो भेट भएको रहेछ तर मैले राम्रोसँग नोटिस गरेको थिइनँ, उहाँले चाहिँ मलाई नोटिस गर्नुभएछ । पछि एउटा अन्तर्वार्ताका क्रममा औपचारिक रूपमा चिनजान भयो ।

सँगै काम गर्ने योजनाचाहिँ कसरी बन्यो ?

उहाँ त्यति बेला नेपाल टेलिभिजनमा ‘सिस्नुपानी झ्याम्मै’ सिरियल गरिरहनुभएको थियो । उहाँले राम्रो टिम खोजिरहनुभएको रहेछ । सिरियलको सातौं भागबाट हामी मिलेर नयाँ पात्र, नयाँ कथामा काम सुरु गर्‍यौं । १८ भागसम्म चल्यो । रोकिनु हुँदैन भनेर हामीले ‘भद्रगोल’ नाम राखेर अर्को सिरियल सुरु गर्‍यौं ।

जिग्रीको नजरमा पाँडेका राम्रा पक्ष के के हुन् ?

उहाँ आँटिलो र साहसी हुनुहुन्छ अन्याय सहनै नसक्ने मान्छे हो उहाँ । सकारात्मक सोच भएको र राम्रोका लागि ज्यान दिने मान्छे हो पाँडे । माहोललाई एकदम खुसी बनाउन सक्ने मान्छे पनि हो । कुनै अवस्थामा माहोल चेन्ज गर्न उहाँको उपस्थिति नै काफी छ ।

नराम्रो पक्षचाहिँ ?

कहिलेकाहीँ अवस्था, विषयवस्तु र माहोल नबुझी क्षणिक उत्तेजनामा आउनुहुन्छ । तर, बुझेपछि त्यसैलाई लिएर अल्मलिनु हुन्न ।

रियल लाइफमा जिग्री र पाँडेको कत्तिको झगडा पर्छ ?

काम गर्ने क्रममा कहिलेकाहीँ डिस्कस हुन्छ तर लामो समय रहँदैन, फेरि पुरानै लयमा फर्किन्छौं ।

साथीहरूसँग कस्तो व्यवहार छ उहाँको ?

कुनै पनि मान्छेलाई रिलेसनमा राखिरहन सक्ने खुबी छ । उहाँ टिममा पनि राम्रोका लागि कहिलेकाहीँ गाली पनि गर्नुहुन्छ र माया पनि उत्तिकै गर्नुहुन्छ ।

उहाँका केटी साथी पनि होलान् नि ?

उहाँ विवाहित मान्छे हो । छोरी र श्रीमतीलाई समय दिनुहुन्छ । कामलाई ध्यान दिनुहुन्छ । पाँडे भनेर मन पराएर धेरैले फोन त गर्छन् तर ती फ्यान, शुभेच्छुकका रूपमा लिनुहुन्छ । गर्लफ्रेन्ड सर्लफ्रेन्ड बनाउनुभएको छैन ।

 टेलिभिजनमा देखिने पाँडे र रियल पाँडेमा के फरक पाउनुहुन्छ ?

टीभीमा देखिने पाँडे त साह्रै नै फटाहा, भँडुवा हो । समाजमा मिल्दैन र मिल्न दिँदैन । त्यो एकदम नकारात्मक पात्र हो । अब पाँडे पात्र छाडेर अर्जुन घिमिरेमा आउँदा उहाँमा त्यस्तो छैन । कसैले दुःख पाएको छ भने सहयोगका लागि अग्रसर हुने अनि समाजलाई जोड्न खोज्ने स्वभाव छ उहाँको ।

अर्जुन घिमिरे (पाँडे)

कहिलेदेखि चिन्नुहुन्थ्यो जिग्रीलाई ?

उहाँले ‘मेरिबास्सै’मा ‘जिग्री हजुर’ भएर खेल्दादेखि नै राम्रो अभिनय गर्ने यो को मान्छे रहेछ भनेर बुझ्दा धुर्मुस दाइ (सीताराम कट्टेल)को भाइ भन्ने थाहा पाएँ । सात वर्षअघि भेट भयो, सहयात्रा गरिन्छ भन्ने कल्पना गरेको थिइनँ ।

जिग्रीको के कुराले प्रभावित हुनुहुन्थ्यो ?

उहाँसँग भेट भएपछि अभिनयभन्दा उहाँको गायनको फ्यान भएको थिएँ । उहाँ राम्रो गाउनुहुँदो रहेछ । कार्यक्रममा उहाँले गीत गाएर माहोल रमाइलो बनाउनुभएको थियो ।

जिग्रीको राम्रो पक्ष के देख्नुहुन्छ ?

काममा एकदमै ध्यान दिने । एकदमै सामाजिक मनोभावना भएको मान्छे । कसैको सानोतिनो दुःखका कुरा समाचारमा आयो भने ‘हामी जाऔं सहयोग गरौं’ भन्ने स्वभाव छ । सिर्जनशील अनि सकारात्मक सोच भएको मान्छे ।

नराम्रो पक्षचाहिँ ?

कहिलेकाहीँ कुराको सार तत्व नबुझी, गहिराइमा नपुगी रिसाउने स्वभाव छ । समयमा अलि लापरबाह हुनुहुन्छ । कहिलेकाहीँ यो दिन मिटिङ गरौं है भन्यो, त्यो दिन मान्छे गायब ।

 कहिलेकाहिं मनमुटाव हुन्छ होला नि ?

मलाई चित्त नबुझेको कुरा तुरुन्तै सेयर गर्छु, उहाँ पनि मेरो केही कुरो भेट्नुभयो भने तपाईंको यो के हो ? भनेर भनिहाल्नुहुन्छ । यसले एकअर्कामा भावना माझिन्छ र टुस रहँदैन ।

 धेरै जोडी फुटे, यो जोडी कत्तिको टिक्ला भन्ने लाग्छ ?

अरू जोडीहरूको आर्थिक कारणले टकराव भएको देखिन्छ । हामी दुवै पैसालाई सेकेन्डरी पाटोमा राख्छौं । यसैले हाम्रो जोडी दूरगामी हुन्छ जस्तो लाग्छ । अहिले त कलाकारितासँगै ‘जिग्री–पाँडे प्रतिष्ठान’ खोलेर समाजसेवा पनि गरिरहेका छौं ।

साथीहरूसँग जिग्रीको व्यवहार कस्तो छ ?

उहाँ मन परेको मान्छेसँग एकैछिनमा घुलमिल गर्नुहुन्छ । तर, मनमा यो मान्छे अलि खराब नियतको हो भन्ने लाग्यो भने संगत गर्नुहुन्न । उहाँसँग मान्छे चिन्ने क्षमता छ ।

 जिग्रीको फोनचाहिँ कत्तिको आउँछ नि ?

उहाँले योङ, टिनएजको क्यारेक्टर गर्नुभएको छ । त्यसमाथि जिग्री लोकप्रिय पात्र छ । बच्चादेखि वृद्धसम्म उहाँको थेगो लोकप्रिय छ । त्यसकारण पनि उहाँको धेरै फोन आउँछ । कुमार कट्टेलभन्दा पनि जिग्रीलाई आउने फोनहरू धेरै छन् ।

 केटाका कि केटीका फोन धेरै आउँछन् ?

केटा, केटी सबैको फोन आउँछ । कति केटाकेटी त फोनमा जिग्री बोलेपछि मात्र सुत्छन् । उहाँले फोन गरेर पढ भनेपछि मात्र होमवर्क गर्ने पनि छन् । जिग्री अविवाहित हो तर धेरै विवाहितका बच्चा कन्ट्रोल गर्नु परेको छ ।

उहाँ डोकैभरि गर्लफ्रेन्ड बोकेर हिँड्ने मान्छे होइन । सायद आफूलाई सुट हुने भेट्नुभएको छैन होला । सात वर्षसम्म संगत गर्दा कहीँ डेटिङ गएको पनि थाहा छैन, गर्लफ्रेन्ड यो हो भन्ने पनि थाहा छैन ।

योचाहिँ झुटो बोल्नुभयो होला ?

होइन । प्रायः मान्छेले रक्षाचाहिँ जिग्रीको गर्लफ्रेन्ड हो भन्छन् तर रक्षा म्यारिड हो भन्ने धेरैलाई थाहा छैन । सिरियलको ट्युनिङले गर्दा रियल लाइफमा पनि यही हो भन्छन् तर होइन । पछिल्लो समयचाहिँ उहाँको गर्लफ्रेन्ड छ कि भन्ने शंका लागिरहेको छ है ।

रङ्गेलीको ‘मिम च्यालेञ्ज’, विजेताले नगद र स्मार्टफोन पाउने

रङ्गेलीको ‘मिम च्यालेञ्ज’, विजेताले नगद र स्मार्टफोन...

वि.सं.२०८० फागुन ६ आइतवार ०९:३६

काठमाडौं। फागुन २५ गते महाशिवरात्रिको दिन रिलिज हुने नेपाली चलचित्र...

१७५ रुपैयाँमै फिल्मकर्मीले एक लाखसम्मको बिमा गर्न पाउने

१७५ रुपैयाँमै फिल्मकर्मीले एक लाखसम्मको बिमा गर्न...

वि.सं.२०८० फागुन ५ शनिवार १८:०२

  काठमाडौं । फिल्मकर्मीहरुले १७५ रुपैयाँ मै एक लाखसम्मको बिमा...

संगीतकर्मीहरु राष्ट्रको पहिचान हुन् : संगीतकार बास्कोटा

संगीतकर्मीहरु राष्ट्रको पहिचान हुन् : संगीतकार बास्कोटा

वि.सं.२०८० फागुन ५ शनिवार १७:४३

काठमाडौं । आलोक सुरज स्मृति पुरस्कार २०८० बाट पुरस्कृत संगीतकार...

‘रङ्गेली’का दयाहाङ र मिरुनाका प्रेमिल तस्बिरहरू (फोटो फिचर)

‘रङ्गेली’का दयाहाङ र मिरुनाका प्रेमिल तस्बिरहरू (फोटो...

वि.सं.२०८० फागुन २ बुधवार ०५:५९

काठमाडौं।आगामी फागुन २५ गते महाशिवरात्रिको दिन विश्वव्यापी रिलिज हुने नेपाली...

नेपाल डेल्फिकद्वारा बेलायतमा नेपाली चलचित्रसम्बन्धी तीन दिने कार्यक्रम सम्पन्न

नेपाल डेल्फिकद्वारा बेलायतमा नेपाली चलचित्रसम्बन्धी तीन दिने...

वि.सं.२०८० फागुन १ मंगलवार ०६:५५

लण्डन। नेशनल डेल्फिक काउन्सिल नेपालले बेलायतको लण्डनमा आयोजना गरेको ‘नेपाली...

अमेरिकाबाट रेखा थापा भन्छिन् : ‘उपहार’ले समाज जोड्छ (अन्तरवार्ता)

अमेरिकाबाट रेखा थापा भन्छिन् : ‘उपहार’ले समाज...

वि.सं.२०८० माघ २९ सोमवार १५:४८

अभिनेत्री रेखा थापा पाँच वर्षपछि फिल्म ‘उपहार’मार्फत दर्शकमाझ आउँदैछिन् ।...