Nabil Bank
Everest Bank Limited
prabhubank

माधव नेपालसँग २९ सालदेखि घनिष्ठता छ : प्रधानमन्त्री

मिडिया स्पेस सोलुसन्स प्रालि

 

 

प्रधानमन्त्री केपी शर्मा ओलीले नेकपाका वरिष्ठ नेता माधवकुमार नेपालको असन्तुष्टिलाई ठूलो बनाउन जरुरी नभएको बताएका छन् । नेता नेपालसँग २९ सालदेखि मित्रता-घनिष्ठता रहेको भन्दै उनले ढुक्क हुन आग्रह गरे ।

नेकपा अध्यक्ष समेत रहेका प्रधानमन्त्री ओली अमेरिका भ्रमणमा रहेका बेला नेता नेपालले सरकारको कामप्रति संसदमै प्रश्न उठाएका थिए भने प्रदेश कमिटी गठनमा असन्तुष्टि जनाउँदा स्थायी कमिटी सदस्यहरुको भेला गरेका थिए ।

 

अमेरिका भ्रमणबाट फर्किएका ओलीलाई त्रिभुवन अन्तर्राष्ट्रिय विमानस्थलमा सञ्चारकर्मीहरुले यही प्रश्न गरे ।

 

जवाफमा ओलीले नेता नेपालले संसदमा केके भन्नुभयो आफूलाई पूर्ण जानकारी नभएको बताए । उनले भने, ‘कवि मनले लयात्मक ढंगले केही भनिहाल्यो भने त्यसैलाई समातेर कुद्नु पर्ने छैन । पुराना गीत सम्झना हुनसक्छ ।’

 

प्रधानमन्त्री ओलीले एउटा हावा चल्यो पात हल्लियो भन्दैमा त्यसको पछाडि लाग्नु दृष्टिकोण नभएको राजनीति हुने बताए । ‘त्यस्ता राजनीतिको पछाडि कतिपय पक्ष कुदे भने मुद्दाहीनताको कुरामात्र देखिन्छ ‘ उनले भने ।

 

हिजो चुनावी तालमेल गर्ने सहमति गर्दा हुँदैन भनेको, पार्टी एकता गर्दा टिक्दैन भनेको स्मरण गर्दै ओलीले भएपछि तल्ला तहहरुसँग एकता भएन भनेर प्रश्न उठेको बताए । उनले भने, ‘२/४ दिन पर्खिनुस्, व्यवहारबाटै जवाफ दिन्छौं ।’

 

सरकारले नराम्रो काम एउटा पनि गरेको र राम्रो गर्ने कोसिस गरेको प्रधानमन्त्री ओली बताए । आफ्नो नेतृत्वको सरकार ५ वर्ष चल्छ र अर्को चुनावपछि झन् बलियो भएर आउने उनले बताए ।

 

यसअघि नेपालको विकास भएको तर, ७ महिना मात्र केही नभएको जसरी चर्चा गरिएको भन्दै प्रधानमन्त्री ओलीले भने, ‘सबैभन्दा लामो समय सरकारमा बस्ने साथीहरुलाई भन्न चाहन्छु । यो गाली गरेपछि सन्तोष माने कुरा मात्र हो ।’

 

अन्तर्राष्ट्रिय क्षेत्रमा पनि राम्रो काम गरेको भन्दै उनले भने, ‘भारतसँगको सम्बन्ध बेग्लै उचाइमा अगाडि बढाइएको छ । चीनसँग त्यसैगरी अगाडि बढाएको छ ।’

 

उनले अमेरिका तथा कोष्टारिका भ्रमण नेपालको हित प्रवर्धनमा फलदायी भएको बताएका छन् । राष्ट्रसंघको ७३ औं महासभालाई सम्बोधन गर्न अमेरिका गएका प्रधानमन्त्री ओलीले कोष्टारिकाको पनि भ्रमण गरेर फर्किएका छन् ।

 

नेकपा भाँडभैलोः नेपाल खेमालाई तह लगाउँन यस्तो षडयन्त्र गर्दैछन ओली

प्रधानमन्त्री एवं नेपाल कम्युनिष्ट पार्टी नेकपाका अध्यक्ष केपी शर्मा ओली बिहीबार अमेरिका र कोस्टारिकाको भ्रमण सकी नेपाल फर्किदैछन् । ओली फर्किनुअघि नै ओलीले आफूमाथि खनिएका वरिष्ठ नेता माधवकुमार नेपाललाई के भन्ने हुन् भन्ने चासो ब्याप्त भएको छ ।

 

नेपालले गत असोज ११ गते संसद् समापनका दिन आफ्नै पार्टीको सरकारविरुद्ध आक्रमण गरे । सरकारका बेथिति ओकले । जनतालाई दुःख दिएको बताए । भ्रष्टाचार बढेको बताए । सुशासन नभएको बताए ।

 

यो टिप्पणीपछि नेकपाको राजनीतिमा एकाएक तरंग पैदा भएको छ । दोस्रो तहका नेताहरुबीच पनि टक्कर चल्यो । दुई तिहाइको बलियो सरकार आफ्नैले गर्दा हल्लिने स्थितिमा पुगेको आँकलन पनि गरिएको छ ।

 

पाँच वर्षका लागि कसैले आँखा नलगाए पनि हुन्छ भन्नेहरु अहिले टिक्दैन कि क्याहो भन्ने अवस्थामा पुगेका छन् । ओली विदेश लाग्दा पनि सुख पाएनन् । माधव नेपालको आक्रोशलाई ‘म विदेश भएर होला देश डुब्छ कि भनेको म फर्किन्छु र ठीक हुन्छ’ भन्दै ओलीले ठट्टा गर्न भ्याए ।

 

यसले अझै आक्रोशित पार्यो नेपाल खेमालाई । अनि चुप लागेर बसेनन् ओली पक्ष पनि । सरकार त्यसैगरी चलिरहेको छ । हत्या, हिंसा, बलात्कार बढिरहेकै छन् । यति हुँदा पनि विपक्षीले काम गर्न दिएन भन्छ सरकार ।

 

तर सबैभन्दा ठूलो दुस्मन त आफ्नै पार्टीका भएका छन् । ओलीले विपक्षीलाई अरिंगाल खनिएझैं खनिन आग्रह गरेका थिए । तर उनकै पार्टीका नेताहरु अरिंगाल बनेर खनिए ।

 

गलत सिकाए । त्यही खाल्डोमा परे । मौरी बन्न सिकाएका भए सम्भवतः यो पीडा खेप्नुपर्ने थिएन । दुःखको कुरा असन्तुष्टिको संवोधन गर्न ओली चुक्दै आएका छन् । भोलिका दिनमा पनि संवोधन हुने आशा छैन ।

 

तर ओलीको हेप्ने प्रवृत्ति हिजो जस्तो थियो त्यो यद्यपि छ । उनी सन्काहा प्रवृत्तिका भएको नेकपाभित्रै व्याप्त छ । पार्टी गठन गर्ने घोषणा भएको एक वर्ष पूरा भएको छ । केन्द्रमा एकता भएको साढे चार महिना नाघेको छ ।

 

तर अहिलेससम्म किन सबै क्षेत्रमा एकीकरण हुन सकेन ? अहिलेसम्मका गतिविधि सबै दबाबमा भएका हुन् । यसको जवाफ अर्का अध्यक्ष पुष्पकमल दाहाल प्रचण्डले दिइसकेका छन् । नेताहरूको ‘प्रेसर’का कारण केन्द्रीय सचिवालयबाट प्रदेश कमिटीको नेतृत्वबारे निर्णय भएको प्रचण्डको भनाइ छ  ।

 

वरिष्ठ नेता माधवकुमार नेपाल र उनीनिकट नेताहरूले सचिवालयको पछिल्लो निर्णयको वैधानिकतामाथि सार्वजनिक रूपमै असन्तुष्टि जनाएपछि प्रचण्डले निर्णय गरिनुका कारण र पृष्ठभूमिबारे बुधबार मुख खोलेका हुन् ।

 

यसको मतलब दबाब छ । पार्टी विष्फोटको स्थितिमा छ । साम्य पार्न ओलीको व्यङ्ग्यले हैन मध्यमार्गीले काम गर्नेछ । तर त्यो छाँट ओलीमा पाइँदैन । उनले झम्टने र तह लगाउन बल प्रयोगसम्मको हैसियतमा आउन सक्ने एक नेपाल पक्षका नेताले भने ।

 

कतिपय नेताहरुले ओली अर्थात् नेतृत्वको विरोधमा आवाज उठाएका छन् । उनीहरु पनि कार्वाहीको भागेदार हुन सक्ने देखिएको छ ।

 

प्रचण्डले विवाद मिलाउने प्रयास गर्न खोजेको सन्देश मिडियामा दिएका थिए । ओली फर्केपछि किन केही नबोलेको भन्ने होला भनेरै प्रचण्डले त्यतिसम्म बोलेका हुन सक्छन् । त्यसबाहेक प्रचण्डको नियत पनि साफ नभएको नेपाल पक्षका नेताको भनाइ छ ।

 

अर्थात् नेकपाभित्र वाक्स्वतन्त्रता छैन । नेताहरु आपसमा बाझिएका छन् । विचार बाझिएको छ । शक्ति बाझिएको छ ।

 

भलै चाडबाडमा के मन कुँडाउनु भनेर ओलीले आफैलाई धैर्यशाली किन नबनाउन् तर विपक्षी खेमा भने त्रासमै छ ।

 

यसकै फाइदा प्रचण्डले उठाउन सक्ने देखिएको छ । प्रचण्डले सर्वदलीय सरकारको अभ्यासमा लागेको चर्चा छ ।

 

बामदेव गौतमलाई चुनावमै हराएर अगाडि बढ्न नदिनु, नारायणकाजी श्रेष्ठलाई बाइपास गर्न खोजिनु र विष्णु पौडेललाई महासचिव दिएर ईश्वर पोखरेलहरुलाई रिसाउन हाल्नु लगायतका काण्डले नेकपा विष्फोटकै गतिमा लम्किएको छ ।

 

बाँडेर खाने सहमति नभएको ईश्वर पोखरेलको दाबी

उपप्रधान तथा रक्षामन्त्री एवं नेकपा सचिवालय सदस्य ईश्वर पोखरेलले आफ्ना दुई अध्यक्ष वर्तमान प्रधानमन्त्री केपी ओली र पुष्पकमल दाहाल प्रचण्डीच पाँच वर्षे कार्यकाल बाँडेर लिने सहमति नभएको दाबी गरेका छन् ।

 

पोखरेलले त्यस्तो सहमति दुई नेताबीच र पार्टीमा समेत नभएको जिकिर गरे । यद्यपि प्रचण्ड र नेकपाकै कतिपय नेताले पाँच वर्षे संसद अवधिमा दुई अध्यक्षले आधाआधा कार्यकाल सरकारको नेतृत्व लिने सहमति भएको बताउँदै आएका छन् ।

 

दुई पार्टीको एकता भएर नेकपा बन्नुअघि तत्कालिन एमाले र माओवादी केन्द्रबीच सरकार र पार्टी नेतृत्वमा आलोपालो गर्ने चार बुँदे सहमति भएको बाहिर आएको थियो ।

 

‘आज २०७५ साल असोज १७ गतेका दिन म बोल्दैछु । आजका दिनसम्म चार बुँदे सहमति भएको मेरो लेभलको मान्छेलाई थहा छैन’, बीबीसी नेपाली सेवासँग पोखरेलले भने, ‘यो सरकारले पाँच वर्षको जनादेश पाएको छ । यसलाई खण्डित हुने गरी कुनै सहमति भएको छैन ।’

 

उनले पार्टीभित्रैबाट सरकारमाथि भइरहेको आक्रमणको विरोध गरे । सरकारबारे चित्त नबुझेका विषय पार्टी बैठक वा संसदीय दलमा राख्न उनले सुझाव दिए । कतिपय शीर्ष नेताले तरिका नपु¥याई सरकारबारे बाहिर बोलेको उनको टिप्पणी थियो ।

 

फरक प्रसंगमा कार्यबाहक प्रधानमन्त्रीसमेत रहेका पोखरेलले कञ्चनपुरकी १३ वर्षीया निर्मला पन्तको बलात्कारपछि हत्या भएको सम्बन्धनमा छानबिन गर्न गठित आयोगले तयार पारेको प्रतिवेदन प्रधानमन्त्री केपी ओली न्यूयोर्कबाट बिहीबार फर्केलगत्तै गृहमन्त्री रामबहादुर थपालाई बुझाउने जानकारी दिए । उक्त प्रतिवेदनले संकेत गरेका अपराधीमाथि सरकारले कारबाही गर्ने उनले बताए ।

अब पुरानै ढर्राले व्यवसाय चल्न सक्दैन : गभर्नर

अब पुरानै ढर्राले व्यवसाय चल्न सक्दैन :...

वि.सं.२०८१ असार ११ मंगलवार ०७:५१

  काठमाडौँ । नेपाल राष्ट्र बैंकका गभर्नरमा महाप्रसाद अधिकारीले व्यवसायहरू...

सरकारले दक्ष र व्यवसायिक व्यक्तिलाई छिट्टै धितोपत्र बोर्ड अध्यक्ष नियुक्त गर्छ : अर्थमन्त्री

सरकारले दक्ष र व्यवसायिक व्यक्तिलाई छिट्टै धितोपत्र...

वि.सं.२०८१ असार ११ मंगलवार ०७:४६

    काठमाडौँ, १० असार– अर्थमन्त्री वर्षमान पुन अनन्तले दक्ष...

एभरेस्ट इन्टरनेशनल मोडेल युनाइटेड नेशन्स (EIMUN) २०२४ काठमाडौंमा

एभरेस्ट इन्टरनेशनल मोडेल युनाइटेड नेशन्स (EIMUN) २०२४...

वि.सं.२०८१ असार १० सोमवार २०:३३

  २०८१ असार १०, काठमाडौं- एभरेस्ट इन्टरनेशनल मोडेल युनाइटेड नेशन्स...

आर्थिक वृद्धिदर ७ प्रतिशतसम्म पुर्‍याउन सकिन्छ : अर्थसचिव मरासिनी

आर्थिक वृद्धिदर ७ प्रतिशतसम्म पुर्‍याउन सकिन्छ :...

वि.सं.२०८१ असार १० सोमवार ०७:५८

    काठमाडौं । अर्थसचिव मधुकुमार मरासिनीले आर्थिक वृृद्धिदर ७...

‘जोखिमपूर्ण सम्पत्तिको व्यवस्थापनमा सहकार्य गरौं, मनोवल बढाऔं’

‘जोखिमपूर्ण सम्पत्तिको व्यवस्थापनमा सहकार्य गरौं, मनोवल बढाऔं’

वि.सं.२०८१ असार ९ आइतवार १५:४७

    काठमाडौं । सरकार तथा बैंक तथा वित्तीय संस्थाका...

जोखिमपूर्ण सम्पत्तिको ट्रेण्ड डरलाग्दो छ तर आत्तिनु हुँदैन : पूर्व बैंकर क्षेत्री

जोखिमपूर्ण सम्पत्तिको ट्रेण्ड डरलाग्दो छ तर आत्तिनु...

वि.सं.२०८१ असार ९ आइतवार १५:३५

    काठमाडौं । पूर्व बैंकर पर्शुराम कुवँर क्षेत्रीले बैंक...