काठमाडौ माघ १८ । अष्ट्रेलियाका लागि नेपाली राजदूत लक्की शेर्पाले राजीनामा दिएकी छन् । मानव बेचबिखनको आरोप लगेपछि विवादमा मुछिएकी राजदूत शेर्पाले अन्ततः राजीनामा गर्न बाध्य भइन् । परराष्ट्र मन्त्रालयको आग्रहमा उनी हिजो मात्र नेपाल आएकी थिइन् ।

राजदूत शेर्पाका सवारी चालकले नै उनीमाथि मानव बेचबिखनको आरोप लगाउँदै अष्ट्रेलियन प्रहरीमा उजुरी दिएका थिए । परराष्ट्र मन्त्रालयले उनीमाथि लागेको आरोप छानबिन गर्न मन्त्रालयका सहसचिव मणी भट्टराईको नेतृत्वमा छानबिन समिति गठन गरेको थियो । लक्कीले राजदूत हुन् तत्कालिन माओबादी अध्यक्ष प्रचण्डलाई र अहिलेका प्रधानमन्त्री ओलीलाई गरी जम्मा तीन करोडमा राजदूत पद खरिद गरेको चर्चा सेलाएको छैन।

छानबिन समितिले बोलाएपछि उनी केही समय पहिले नेपाल आएर जवाफ दिएकी थिइन् । समितिले रिपोर्ट मन्त्रालयलाई बुझाएपछि उनी अष्ट्रेलिया गएर आफ्नो सामानसहित फिर्ता भएकी हुन् । र उनले राजिनामा पत्र बुझाउदै आशु झारेको पररास्ट्र मन्त्रालय श्रोतले बतायो।

तत्कालीन माओवादी केन्द्रका तर्फबाट राजदुतमा नियुक्त शेर्पा विवादमा तानिएपछि नेकपाका अध्यक्ष पुष्पकमल दाहालले उनलाई राजीनामा दिन सुझाएका थिए।