काठमाडौं – एक्सेल डेभलपमेन्ट बैंकले कोरोना भाइरसका कारण रोकिएको चौंधौं वार्षिक साधारण सभा असार १४ गते बोलाएको छ । सभामा बैंकले सेयरधनीलाई १८५ लाभांश दिने प्रस्ताव सभामा पेश गर्नेछ ।
एक्सेलले आर्थिक वर्ष २०७५र७६ को नाफाबाट १७।१०५ बोनस सेयर र कर प्रयोजनका लागि ०।९०५ नगद लाभांश वितरण गर्दैछ । बैंकले ११ करोड ८४ लाख ४७ हजार २४९ रुपैयाँ बराबरको बोनस वितरण गर्नेछ । यस्तै, ६२ लाख ३४ हजा ६५ रुपैयाँ नगद ९कर प्रयोजन० मा खर्च गर्नेछ ।
साधारण सभा, होटल टाइमलेस मुमेन्टस् विर्तामोड झापामा दिउसो १ बजे सुरु हुनेछ । बोनस वितरणपछि कायम चुक्ता पुँजीबाट ३०५ हकप्रद सेयर निष्कासन गर्ने प्रस्ताव पनि छ ।
उक्त प्रस्ताव पारित भएमा कुल २४ करोड ३३ लाख ३६ हजार ३६७ रुपैयाँको हकप्रद सेयर जारी हुनेछ । अन्य उपयुक्त बैंक तथा वित्तीय संस्था गाभ्ने–गाभिने सम्बन्धी आवश्यक कार्य गर्न सञ्चालक समितिलाई अख्तियारी दिने प्रस्ताव पनि अघि सारेको छ ।
आर्थिक वर्ष २०७५–७६ को वार्षिक प्रतिवेदनमा छलफल गर्ने र नाफा–नोक्सान हिसाब पारित गर्ने एजेन्डा रहेको छ । लेखापरीक्षक नियुक्त गरी पारिश्रमिक निर्धारण गर्ने प्रस्ताव पनि पेश हुँदैछ ।
सभा प्रयोजनका लागि बैंकले यसअघि नै चैत ७ गतेदेखि २० गतेसम्म बुक क्लोज गरिसकेको छ । चैत ६ गतेसम्म कायम सेयरधनीले लाभांश पाउनेछन् । यसअघि चैत २० गते बोलाइएको साधारण सभा कोरोनाका कारण स्थगित गरिएको थियो ।