मुख्य खबर

एनआईसी एशियाको लघुवित्त वित्तीय ८४ औं बैठकबाट श्री विभोर कुमारअग्रवालज्यूलाई संचालकमा नियुक्त

  • आर्थिक प्लस संवाददाता

    २०७७ कार्तिक ४ गते, मंगलवार २३:२४ मा प्रकाशित

काठमाडौं । एन आईसी एशिया लघुवित्त वित्तीय संस्था लि. को मिति ०७७/०६/२२ गते बसेको संचालक समितिको ८४ औं बैठकबाट श्री विभोर कुमार अग्रवालज्यूलाई संस्थाको संचालक नियुक्त गरेको छ । संचालक श्री विभोर कुमार अग्रवालले २०७७/०७/०४ गते कम्पनीका अध्यक्ष श्री कपिल ढकालबाट अनुसूचि १ बमोजिमको पद तथा गोपनियताको शपथ ग्रहण गरी पदवहाली समेत गर्नुभयो । नयाँ संचालक श्री विभोर कुमार अग्रवालको अनुभवबाट आगामी दिनमा संस्थाले आफ्नो उद्देश्य प्राप्तीमा उच्चतम प्रगति हासिल गर्ने विश्वास साथ संस्थाले अझ बढि प्रगतिको बाटोमा अघि बढ्ने विश्वास रहेको संस्थाले लिएको छ ।

त्यसैगरि मिति २०७७/०७/०४ बाट श्री लक्ष्मण चालिसेलाई यस संस्थाको प्रमुख कार्यकारी अधिकृतको रुपमा नियुक्त गरेको छ । निज चालिसे विगत १६ बर्ष देखि विभिन्न बाणिज्य बैकहरुको व्यवस्थापकिय पदमा कार्यरत रहनु भएको छ । १६ अगाडी नेपाल बैंक लिमिटेडबाट बैकिंङ क्यारियर शुरु गनुभएका चालिसे मिति २०६५/१२/०३ मा एन आई सी एशिया बैंकमा बरिष्ठ अधिकृतका रुपमा कार्य शुरुगरी हाल बैंकको बरिष्ठ प्रवन्धकको रुपमा कार्य गरी आउनु भएको छ । श्री लक्ष्मण चालिसेले व्यवस्थापन विषयमा प्रथम श्रेणीमा स्नातकोत्तर उपाधि हासिल गर्नु भएको छ । श्री लक्ष्मण चालिसेको अनुभवबाट संस्थाले आफ्नो उद्देश्य प्राप्तीमा उच्चतम व्यवसायिक प्रगति हासिल गर्ने विश्वास रहेको संस्थाले लिएको छ ।

नेपाल राष्ट्र बैंकबाट स्वीकृति प्राप्त गरि स्थापना भएको यस एन आई सी एशिया लघुवित्त वित्तीय संस्था लिमिटेडले स्थापना भएको छोटो समयमा नै लघुवित्त क्षेत्रमा उच्च स्थान हासिल गर्न सफल भएको छ । आम जनमानसले गरेको प्रगाढ विश्वास, अगाध स्नेह र यस संस्था प्रतिको भरोसा सहित हाल तत्काल खोलिएको शाखाहरु सहित ३३ जिल्लाहरुमा १०५ शाखा कार्यालयहरुबाट वित्तीय सेवा प्रदान गर्दै आइरहेको छ । साथी संगै सवल बन्दै भन्ने मुल नाराका साथ उत्तरदायी लघुवित्तीय सेवाको अभ्यास गर्दै आएको यस संस्थाले वित्तीय समावेशिकरणका लागि डोटी, जुम्ला, जाजरकोट, सल्यान, रसुवा, सिन्धुपाल्चोक जस्ता बैंक तथा वित्तीय संस्थाहरुको उपस्थिति न्युन रहेको दुर्गम जिल्लाहरुमा शाखा विस्तार गरी सेवा सञ्चालन गर्दै आइरहेको छ ।