मुख्य खबर

अब यसरी आफै छुट्याउनुस् आफ्नो सेयर अल्पकालीन कि दीर्घकालीन

  • आर्थिक प्लस संवाददाता

    २०७८ श्रावण ४ गते, सोमबार १०:४७ मा प्रकाशित

काठमाडौं ।नयाँ आर्थिक वर्ष शुरु भएसँगै सेयर कारोबारमा दुई प्रकारको पूँजीगत कर लाग्ने व्यवस्था कार्यान्वयनमा आएको छ ।

अब धितोपत्र बजारमा अल्पकालीन लगानीकर्ता (१ वर्षभन्दा कम अवधिका लागि ) ७.५ प्रतिशत र दीर्घकालीन लगानीकर्ताका (१ वर्षभन्दा बढी अवधिका लागि) ५ प्रतिशत कर लागू भएको हो । यसअघि दुवै थरीका लगानीकर्तालाई समान लागि एउटै ५ प्रतिशत कर लाग्थ्यो ।

धितोपत्र बजारमा दीर्घकालीन लगानीलाई प्रोत्साहित गर्न र छोटो अवधिको लगानीबाटै राम्रो प्रतिफल खोज्ने प्रवृत्तिलाई निरुत्साहित गर्न अल्पकालीन लगानीकर्तालाई बढी पूँजीगत लाभकर लगाइएको हो ।

नयाँ कर व्यवस्था लागू भएसँगै सीडीएस एण्ड क्लियरिङ्ग (सीडीएससी)ले मेरो सेयर प्रणाली नयाँ सुविधा थप गरेको छ । सीडीएससी धितोपत्रको स्वामित्व (सेयर होल्ड गरेको) अवधि गणना गर्ने सुविधा ल्याएको हो ।

आफूले विक्री गरेको सेयर अल्पकालीन हो वा अल्पकालीन हो भन्ने यकिन गरी ट्रान्सफर गर्नको लागि my purchase source मा my holdings भन्ने अप्सन थप गरेको हो ।

यसरी छुट्याउनुस् आफ्नो सेयर अल्पकालीन र दीर्घकालीन

my purchase source मा गएर आफूले खरिद गरेको लागत यकिन गरीसकेपछि my holding मा गएर १ वर्षभन्दा कम अवधिको सेयर भए shurt term अर्थात् ST र १ वर्ष भन्दा बढी होल्ड गरीएको सेयर भए long term अर्थात् LT छनौट गर्नु पर्ने छ ।

यो प्रणालीले अर्थात् सिस्टमले नै छनौट गर्ने छ । तर सिस्टमले दिएको जानकारी गलत भए आफूले नै त्यसलाई उचित कारण वा प्रमाण दिएर सच्च्याउन सकिन्छ ।

त्यस्तै मर्ज वा प्राप्तिमा गएको सेयर भए user defined merger file मा क्लिक गरी मर्जमा गएको कारण छुट प्राप्त हुने छनौट गर्न सकिने छ । त्यसपछि अपडेटमा क्लिक गरी विवरण अध्यावधिक गर्नु पर्ने छ । त्यसपछि ट्रान्सफर सेयरमा क्लिक गरी सेयर ट्रान्सफर गर्नु पर्छ