खुलेर जिऔं भन्ने नारा बोकेको रिलायन्स लाइफ इन्स्योरेन्सले २ करोड ५० लाखको दावी भुक्तानी गर्यो हस्तान्तरण
Wednesday Jul 28, 2021
वि.सं.२०७८ साउन १३ बुधवार १८:०६
काठमाडौँ । रिलायन्स लाइफ इन्स्योरेन्स कम्पनीले २ करोड ५० लाख बराबरको मृत्यु दावी भुक्तानी हस्तान्तरण गरेको छ ।
कोहलपुर नगरपालिकाका सर्जन विकको मृत्युपश्चात कम्पनीको नियम अनुरुप सो दावी भुक्तानी रकम बीमितको पत्नी सपना मल्ललाई हस्तान्तरण गरेको हो ।
दावी भुक्तानी कार्यक्रममा बीमा समितिका अध्यक्ष सूर्यप्रसाद सिलवाल, कार्यकारी निर्देशक राजुरमन पौडेल, कम्पनीका संचालक समितिका अध्यक्ष ताराचन्द केडिया, संचालक जगदीशकुमार अग्रवाललगायत कम्पनीका पदाधिकारीको उपस्थिति थियो ।
कम्पनीले हालसम्म ८ करोड २३ लाख बराबरको दावी रकम भुक्तानी गरेको छ । खुलेर जिऔं भन्ने नारा साथ सञ्चालनमा आएको उक्त कम्पनी भरपर्दो र विश्वासिलो भएको बिमित हरुले बताउने गरेका छन्।