काठमाडौं । दुई कम्पनीले प्राथमिक साधरण सेयर (आइपीओ) निष्काशन गर्न अनुमति पाएका छन् । नेपाल धितोपत्र बोर्डले सीवाइसी नेपाल लघुवित्त वित्तीय संस्था र रिभर फल्स पावर लिमिटेडलाई आइपीओ निष्काशन गर्न अनुमति दिएको हो ।

सीवाइसी लघुवित्तले प्रतिकित्ता १०० रुपैयाँ दरले ३ करोड ९५ लाख ३३ हजार ६०० रुपैयाँ बराबरको ३ लाख ९५ हजार ३३६ कित्ता आइपीओ जारी गर्न अनुमति पाएको हो ।

हाल ८ करोड ८१ लाख रुपैयाँ चुक्ता पूँजी रहेको लघुवित्तले जारी पूँजीको ३२.५० प्रतिशत आइपीओ जारीपछि चुक्ता पूँजी १२ करोड १६ लाख रुपैयाँ पुग्नेछ । लघुवित्तको सेयर निष्काशन तथा विक्री प्रबन्धक ग्लोबल आइएमई क्यापिटल रहेको छ ।

त्यसैगरी, रिभर फल्स पावरले प्रतिकित्ता १०० रुपैयाँ दरले ३४ करोड ३० लाख रुपैयाँ बराबरको ३४ लाख ३० हजार कित्ता सेयर जारी गर्न अनुमति पाएको हो ।

कम्पनीले आयोजना प्रभावित स्थानीय वासिन्दा र सर्वसाधारणको लागि सेयर जारी गर्नेछ । हाल ३५ करोड ७० लाख रुपैयाँ चुक्ता पूँजी रहेको कम्पनीको आइपीओपछि ७० करोड रुपैयाँ पुग्नेछ । कम्पनीको सेयर निष्काशन तथा विक्री प्रबन्धक प्रभु क्यापिटल लिमिटेड रहेको छ ।