काठमाडौं । सीवाइसी नेपाल लघुवित्त वित्तीय संस्थाको प्राथमिक साधरण सेयर (आइपीओ) बाँडफाँट भएको छ । कम्पनीको सेयर निष्काशन तथा विक्री प्रबन्धक ग्लोबल आइएमई क्यापिटलले आज विहान ९ बजे आइपीओ बाँडफाँट गरेको हो ।

 

क्यापिटलका अनुसार गोलाप्रथाबाट ३६ हजार ९४० जनाले १० कित्ताका दरले सेयर हात पारेका छन् भने भाग्यमानी ८ जनाले ११ कित्ता सेयर पाएक छन् । साढे २१ लाख बढीको हात रित्तो भएको छ ।

 

कम्पनीको आइपीओमा कुल २२ लाख ५ हजार ६३३ जनाले आवेदन दिएका थिए । सो मध्ये ३ हजार २७२ जनाको आवेदन रद्द भएको छ भने योग्य २२ लाख २ हजार ३६१ जना आवेदकलाई गोला प्रथामा सहभागी गराइएको क्यापिटलले जनाएको छ ।

 

लघुवित्तले वैशाख २ गतेदेखि प्रतिकित्ता १०० रुपैयाँ दरले ३ करोड ९५ लाख ३३ हजार ६०० रुपैयाँ बराबरको ३ लाख ९५ हजार ३३६ कित्ता सेयर विक्रीमा ल्याएको थियो ।

 

कहाँबाट हेर्ने रिजल्ट ?

 

कम्पनीको आइपीओको रिजल्ट ३ ठाउँबाट हेर्न सकिने छ । लगानीकर्ताले https://iporesult.cdsc.com.np/ मा गएर १६ अंकको डिम्याट नम्बर हालेपछि सजिलै हेर्न सक्नेछन् ।

 

यसैगरी, विक्री प्रबन्धक ग्लोबल आइएमई क्यापिटलको वेबसाइट र सीवाइसी नेपाल लघुवित्तको वेबसाइटबाट पनि नतिजा हेर्न सकिनेछ । यद्यपि, भर्खरै मात्र आइपीओ बाँडफाँड भएकाले नतिजा आउन केही समय लाग्ने जनाइएको छ ।