काठमाडौं । हाइड्रोइलेक्ट्रिसिटी इन्भेष्टमेन्ट एण्ड डेभलपमेन्ट कम्पनी लिमिटेड (एचआईडीसीएल) ले संस्थापक सेयर पुनः लिलामीमा ल्याएइको छ ।

कम्पनीले आज अर्थात साउन १५ गतेबाट २ करोड ७८ लाख ९ हजार ४८० कित्ता संस्थापक सेयर पुनः लिलाम बिक्री गर्न लागेको हो ।

यसअघि कम्पनीले असार ५ गतेदेखि १९ गतेसम्म ३ करोड ३० लाख संस्थापक सेयर लिलामी गर्दा ५१ लाख ९० हजार ५२० कित्ता मात्र बिकेको थियो उक्त अवधिमा बिक्री नभएको सेयर कम्पनीले पुनः लिलाम बिक्री गर्न लागेको कम्पनीले जनाएको छ ।
उक्त लिलामीमा व्यक्ति, संस्था वा कम्पनीले आवेदन दिन सक्ने छन् । लिलामीमा आउँदो साउन २९ गतेसम्म बोलपत्र पेश गर्नुपर्ने सूचनामा उल्लेख छ ।

बोलपत्र पेश गर्न चाहनेले न्यूनतम १०० रूपैयाँ वा सोभन्दा बढी मूल्य अंकित गरी पेश गर्नुपर्ने कम्पनीले जनाएको छ । उक्त लिलाममा न्यूनतम १०० कित्तादेखि अधिकतम सबै कित्ताका लागि आवेदन दिन सकिनेछ ।

बोलपत्रका लागि बिक्री प्रबन्धक ग्लोबल आइएमई क्यापिटल नक्साल, काठमाडौंबाट आवेदन फाराम लिन र बुझाउन सकिने कम्पनीले जनाएको छ ।

त्यस्तै ग्लोबल आइएमई बैंकको बिर्तामोड, विराटनगर, जनकपुर, वीरगञ्ज, हेटौंडा र नारायणगढ शाखाबाट आवेदन दिन सकिनेछ ।

यसका साथै बैंकको पोखरा, बुटवल, बागलुङ, नेपालगञ्ज, सुर्खेत, घोराही, धनगढी र महेन्द्रनगर शाखाबाट पनि लिलामी भर्न सकिने व्यवस्था छ ।