काठमाडौ। प्राइम बैंकको सञ्चालकमा प्रा.डा. तारादेवी चित्रकार नियुक्त हुनुभएको छ । प्राइम बैंकको हालै बसेको यस बैंकको सञ्चालक समितिको ४५५ औं बैठकले प्रा।डा। चित्रकारलाई बैंक तथा वित्तीय संस्था सम्वन्धी ऐन, २०७३ बमोजिम स्वतन्त्र सञ्चालक पदमा नियुक्ति गर्ने निर्णय गरेको हो ।

नेपाल विद्याभूषण “क” बाट विभूषित, व्यवस्थापन विषय अन्तर्गत उत्पादनमूलक प्रतिष्ठानको सन्दर्भमा नेपालमा निजीकरणको समीक्षा विषयमा विद्यावारिधि गर्नु भएकी चित्रकार त्रिभुवन विश्वविद्यालय अन्तर्गत पब्लिक युथ क्याम्पसमा लामो समयदेखि व्यवस्थापन संकायमा रही बैंक तथा वित्तीय क्षेत्र, स्टक बजार, लेखा, विषयमा प्राध्यापन गरी रहनु भएको थियो ।
उहाँका विभिन्न शोधमूलक लेख रचना प्रकाशित छन् भने सामाजिक क्षेत्रमा समेत सक्रिय हुनु हुन्छ ।

त्यस्तै आजै बसेको यस बैंकको सञ्चालक समितिको बैठकले बैंकको आर्थिक वर्ष २०७८÷७९ को मुनाफाबाट रु। १,६६,९७,४०,८९१।०० (प्रति शेयर ८।९५५ का दरले० लाभाँश (कर सहित) वितरण गर्ने निर्णय गरेको छ । जस मध्ये प्रति शेयर ४५ का दरले बोनस शेयर र प्रति शेयर ४।९५५ का दरले नगद लाभाँश दिने प्रस्ताव गरिएको छ ।

प्रस्तावित बोनस शेयर र नगद लाभाँश नेपाल राष्ट्र बैंकबाट स्वीकृति र बैंकको वार्षिक साधारणसभाबाट पारित भए पश्चात प्रदान गरिने बैकले जनाएको छ ।