काठमाडौं । नेपाल कला परिषद्का अध्यक्ष सागर शमशेर जबराले सरकारले कला संस्कृतिको क्षेत्रलाई प्राथमिकतामा नराखेको दुखेसो गरेका छन् ।

नेपाल कला परिषद्ले गर्न लागेको प्रदर्शनीबारे जानकारी दिन आयोजित पत्रकार सम्मेलनमा उनले नेपाललाई अन्तरराष्ट्रिय जगतमा चिनाउँने कला संस्कृतिलाई सरकारले प्राथमिकतामा नराखेको गुनासो गरे ।

यस्तै, यसप्रकारको प्रदर्शनले देश विकासमा समेत लाई मद्दत गर्ने भन्दै यसतर्फ ध्यान दिन सरकारसंग आग्रह गरे ।
उनले भने, ‘हाम्रो राजनीति र विभिन्न सरकारहरुले कला र संस्कृतिलाई जति प्राथमिकतामा राख्न पर्ने हो, दिन पर्ने हो त्यो दिएको छैन् । जबकि हाम्रो देश एउटा सगरमाथा र कला संस्कृतिको लागि प्रचलित छ ।

त्यसकै कारण हाम्रो देशमा हेर्न आउँने गर्दछन् । यसप्रकारको प्रदर्शनलाई बढि ध्यानमा राख्न आवश्यक हुन्छ यसले हाम्रो देशको विकासलाई मद्दत गर्छ ।’
यस्तै, उनले अन्तरराष्ट्रिय स्तरमा हुने प्रदर्शनमा देशको राम्रो प्रतिनिधित्व गर्नको लागि २ सय ५ वटा कला र ६६ जना कलाकारहरुको बृहत कला प्रदर्शनि गर्न लागेको बताए ।

बिहारको पटनामा हुने प्रर्दशनीमा नेपालसहित रुस, इजरेल, पनामा र कोष्टारिकालगायत सहभागि हुनेछन् ।