नेपालस्थित पाकिस्तान राजदूतावास काठमाडौंमा “पाकिस्तानः भौगोलिक–ऐतिहासिक निमन्त्रणा“ शीर्षक अन्तर्गत सम्मेलन सह अन्तरक्रियात्मक कार्यक्रम सम्पन्न भएको छ ।

नेपालका लागि पाकिस्तानका राजदूत एच ई अबरार हाश्मीको अध्यक्षतामा सम्पन्न सम्मेलनले मुख्य गरी नेपाल र पाकिस्तानको पर्यटन गन्तब्यलाई पहिचान गर्दे सहकार्य गर्ने निश्कर्ष निकालेको छ ।

कार्यक्रममा नेपालका प्रमुख पर्यटन विज्ञहरू र अपरेटरहरूको सहभागिता थियो । पाकिस्तानको बौद्ध आउटरिच र पर्वतारोहण र पदयात्रा पर्यटनका विशेषज्ञहरूले भर्चुअल रूपमामसेत सहभागिता थियो ।

राजदूत अबरार एच हाश्मीले पाकिस्तानमा पर्यटनको सम्भावनालाई उजागर गरे । उनले आजको सम्मेलन नेपाल र पाकिस्तानबीचको सम्बन्ध बिस्तार र गर्न दूतावासले गरिरहेको प्रयासको शृङ्खलाको एउटा हिस्सा भएको जानकारी गराए ।

अन्तरक्रियात्मक सत्रमा दुवै देशका सहभागीहरूले द्विपक्षीय पर्यटन विकासका बारेमा छलफल गर्नुका साथै नेपाल र पाकिस्तानबीचको पर्यटनको मात्रा बढाउने उपायहरू सुझाव दिएका थिए ।

पर्यटकीय दृष्टिकोणले दुबै देश आन्तरिक र बाह्य पर्यटको गन्तब्य रहेको निश्कर्ष निकालिएको थियो ।