काठमाडौं । शिखर इन्स्योरेन्स कम्पनीले आफ्नो २०औं वार्षिकोत्सवको अवसरमा देशव्यापी रुपमा रक्तदान कार्यक्रम आयोजना गरेको छ। सोही अभियान अन्तर्गत बुटवल शाखाले नेपाल रेडक्रस सोसाइटीको रक्त सञ्चार केन्द्र बुटवलको प्राविधिक सहयोगमा रक्तदान कार्यक्रम सम्पन्न गरेको हो।

कार्यक्रममा व्यवसायी, बैंकर, कम्पनीका कर्मचारी तथा स्थानीयबासी गरी १०२ जनाले रक्तदान गरेका थिए। बुटवल रक्त सञ्चार केन्द्रका अनुसार डेङ्गु प्रकोपका कारण गम्भीर बिरामीहरूको उपचारमा रगतको अभाव भइरहेका बेला यो अभियानले ठूलो राहत पुग्नेछ।

शाखा प्रमुख विक्रम कार्कीले डेङ्गु प्रकोपका कारण रगत अभाव भएको अवस्थामा अस्पतालका बिरामीलाई सहयोग पु¥याउने उद्देश्यले यो रक्तदान कार्यक्रम आयोजना गरिएको जानकारी दिए। कार्यक्रम बुटवलको दियालो फुडल्याण्डमा सम्पन्न भएको थियो।