पोखरा। नेपाल एसबिआई बैंक लिमिटेडले सामाजिक उत्तरदायित्व कार्यक्रम अन्तर्गत पोखराको फेवातालस्थित ऐतिहासिक र धार्मिक महत्वको ताल बाराही मन्दिर पुनर्निर्माणका लागि रु १० लाख आर्थिक सहयोग प्रदान गरेको छ। यो रकम मन्दिर पुनर्निर्माणको क्रममा मुख्य मन्दिरमा प्रयोग हुने सल्यानी ढुङ्गा खरिद गर्न खर्च गरिनेछ।

सो सहयोग रकम बैंकका अध्यक्ष जयती बन्सलले ताल बाराही मन्दिर गुठी व्यवस्थापन समितिका अध्यक्ष प्रशुराम शर्मा पहारीलाई औपचारिक रूपमा हस्तान्तरण गर्नुभएको थियो।

यस कार्यक्रममा बैंकका प्रबन्ध संचालक तथा प्रमुख कार्यकारी अधिकृत दीपक कुमार दे, संचालक पिनाकी नाथ बनर्जी, स्टेट बैंक अफ इन्डियाका महाप्रबन्धक रितेश सिन्हा, नायब प्रमुख कार्यकारी अधिकृत तथा प्रमुख वित्तीय अधिकृत राजेश कुमार पंडा, र अन्य वरिष्ठ पदाधिकारीहरूको उपस्थिति रहेको थियो।

नेपाल एसबिआई बैंकले स्थानीय समुदायमा संस्कृति र सम्पदा संरक्षणका लागि समय समयमा यस्ता सामाजिक उत्तरदायित्वका गतिविधिहरू सञ्चालन गर्दै आइरहेको छ।

हाल बैंकले १०० शाखा, २२ एक्सटेन्सन काउन्टर, ७ प्रदेश कार्यालय, १९ शाखारहित बैंकिङ सेवा, १२२ एटीएम, र १ कर्पोरेट कार्यालयमार्फत आफ्नो सेवा प्रदान गर्दै आइरहेको छ।