काठमाडौं । चिनीयाँ अटोमोबाइल कम्पनी नेटा अटोले थाईल्यान्डमा २०२४ को न्युइनर्जी भेइकल ब्रान्ड विधामा पहिलो स्थान प्राप्त गरेको छ। यसैगरी, ग्लोबल ब्रान्ड सेल्समा पनि यसले तेस्रो स्थान प्राप्त गर्ने सफलतासम्म पुग्न सफल भएको छ। कम्पनीको यस उपलब्धिले अन्तर्राष्ट्रिय बजारमा यसको प्रभाव र उपस्थितिलाई बलियो बनाएको छ।

नेटा अटोले आगामी वर्षमा अझ आक्रमक रणनीतिहरूसँग विश्व बजारमा स्थान विस्तार गर्ने योजनासमेत बनाएको छ। नेपालमा पनि यसको बिक्रीमा वृद्धि भइरहेको छ। नेपालका लागि नेटा ब्रान्डको आधिकारिक वितरक सिजी मोर्टसले नेटाका दुबै मोडलका कारहरू नेपालमा उपलब्ध गराउँदै आएको छ, जसका साथ ग्राहकहरूलाई थप सेवा र सुबिधा पनि प्रदान गर्दै आएको बताइएको छ।

Neta V क्रसओभर वर्गमा एउटा प्रमुख इलेक्ट्रिक वाहन (EV) विकल्पको रूपमा देखा परेको छ। यसको 40.7 kW ब्याट्रीले राम्रो क्षमता प्रदान गर्दछ, जबकि 50 kW मोटरले दमदार प्रदर्शन सुनिश्चित गर्दछ। यसको 120 Nm टर्कले सवारीलाई तिव्र र गतिशील बनाउँछ। Neta V को ब्याट्री 20 मिनेटमा 30% बाट 80% सम्म चार्ज गर्न सक्छ र एकल चार्जमा 380 किमी भन्दा बढी यात्रा गर्न सकिन्छ। यसमा CATL का लिथियम आयरन फस्फेट ब्याट्री प्रयोग गरिएको छ, जसको ८ वर्ष वा 150,000 किमि वारंटी पनि छ।

NETA X एक आकर्षक इलेक्ट्रिक एसयुभी हो, जसले एकल चार्जमा 500 किमी सम्म यात्रा गर्न सक्छ। यसमा 185 मिमि ग्राउन्ड क्लियरन्स रहेको छ, जसले चालकलाई सुरक्षा र सुविधा महसुस गराउँछ। यसमा पनि CATL का लिथियम आयरन फस्फेट ब्याट्रीहरूको प्रयोग गरिएको छ र ८ वर्ष वा 180,000 किमि वारंटी प्रदान गरिएको छ। यी सबै सुविधाहरूले NETA X लाई एक बहुपरकारी र पर्यावरणमैत्री वाहनको रूपमा प्रस्तुत गरेको छ।

नेटा अटोले नेपालमा समेत आफ्नो उपस्थिती बढाउँदै, ग्राहकहरूको आवश्यकता र सेवामा विशेष ध्यान दिइरहेको छ।