काठमाडौं । सामसङ नेपालले सन् २०२५ को भ्यालेन्टाइन सिजनलाई लक्षित गर्दै आफ्नो लोकप्रिय स्मार्टफोनहरूमा विशेष अफर सार्वजनिक गरेको छ। यस अफर अन्तर्गत, ग्यालेक्सी एस २४ अल्ट्रा र ग्यालेक्सी जेड सिरिज (फोल्ड ६ र फ्लिप ६) मा मूल्य घटावट, निःशुल्क केस, र ०% ब्याजदरमा किस्ताबन्दी सुविधा उपलब्ध गराइएको छ।

छुट र उपहार

ग्यालेक्सी जेड सिरिज र एस २४ अल्ट्राको खरिदमा ग्राहकहरूले रु। २५,००० सम्म बचत गर्न सक्नेछन्। साथसाथै, जेड फोल्ड ६ को खरिदमा क्लियर केस र जेड फ्लिप ६ को खरिदमा सिलिकन केस निःशुल्क प्राप्त हुनेछ।

 

मोडल	पुरानो मूल्य	नयाँ मूल्य	बोनस उपहार
जेड फोल्ड ६ (१२/५१२ जीबी)	रु २४९,९९९	रु २२९,९९९	निःशुल्क क्लियर केस
जेड फोल्ड ६ (१२/२५६ जीबी)	रु २३४,९९९	रु २१४,९९९	निःशुल्क क्लियर केस
जेड फ्लिप ६ (१२/२५६ जीबी)	रु १५४,९९९	रु १३९,९९९	निःशुल्क सिलिकन केस
एस २४ अल्ट्रा (१२/२५६ जीबी)	रु  १८४,९९९	रु १५९,९९९	–

किस्ताबन्दी सुविधा

सामसङका यी प्रिमियम स्मार्टफोनहरू अब ०% ब्याजदरमा सहज किस्ताबन्दीमा उपलब्ध छन्।

• जेड सिरिज: १८ महिनासम्मको किस्ताबन्दी
• एस २४ अल्ट्रा: १२ महिनासम्मको किस्ताबन्दी
  किस्ताबन्दी प्रक्रियाका लागि ग्राहकहरूले केवल नागरिकता प्रमाणपत्र प्रस्तुत गर्नुपर्छ।

सामसङको प्रतिबद्धता

सामसङले ग्राहकहरूको आवश्यकता र चाहनालाई ध्यानमा राख्दै नयाँ प्रविधि र सुविधासहित उत्कृष्ट योजनाहरू सार्वजनिक गरिरहेको छ। ग्यालेक्सी एस २४ सिरिज र जेड सिरिजका फोल्डेबल्सले स्मार्टफोन प्रयोगको अनुभवलाई नयाँ उचाइमा पुर्याउने विश्वास कम्पनीले व्यक्त गरेको छ।

आफ्नो प्रियजनलाई उत्कृष्ट उपहार

यस भ्यालेन्टाइन सिजनमा सामसङको विशेष अफरमार्फत आफ्नो प्रियजनलाई ग्यालेक्सी स्मार्टफोन उपहार दिनुहोस् र सम्बन्धलाई अझ नजिक बनाउनुहोस्।