काठमाडौं । हिमालयन रि इन्स्योरेन्स कम्पनी लिमिटेडले आर्थिक वर्ष २०८०/८१ को नाफाबाट आफ्ना सेयरधनीलाई कुल ४.७४ प्रतिशत लाभांश वितरण गर्ने प्रस्ताव गरेको छ। कम्पनीको वैशाख २२ गते सम्पन्न सञ्चालक समितिको ७१ औं बैठकले ४.५० प्रतिशत बोनस शेयर र ०.२४ प्रतिशत नगद लाभांश वितरण गर्ने निर्णय गरेको हो।

हाल कम्पनीको चुक्ता पुँजी १० अर्ब ४० करोड रहेको छ। सो अनुसार, बोनस शेयर स्वरूप ४६ करोड ८० लाख रुपैयाँ र कर प्रयोजनका लागि नगद लाभांश स्वरूप २ करोड ४६ लाख ३१ हजार ५ सय रुपैयाँ वितरण गरिनेछ।

कम्पनीले उक्त लाभांश प्रस्ताव बीमा क्षेत्रको नियामक निकाय नेपाल बीमा प्राधिकरणमा स्वीकृतिका लागि पेश गर्नेछ। प्राधिकरणको स्वीकृति पश्चात् आगामी वार्षिक साधारण सभाबाट अनुमोदन गरी कार्यान्वयनमा ल्याइने बताइएको छ।