काठमाडौं । प्रोटेक्टिभ माइक्रो इन्स्योरेन्स लिमिटेडले साधारण शेयर निष्काशन गर्न लागेको २२ लाख ५० हजार कित्ता साधारण शेयरहरूको प्रत्याभूति गर्न लक्ष्मी सन्राइज क्यापिटल लिमिटेडलाई प्रत्याभूतिकर्ता नियुक्त गरेको छ। यस सम्बन्धी सम्झौतामा लक्ष्मी सन्राइज क्यापिटलका प्रमुख कार्यकारी अधिकृत बिजय लाल श्रेष्ठ र प्रोटेक्टिभ माइक्रो इन्स्योरेन्सका प्रमुख कार्यकारी अधिकृत नरेश कुमार रोकाले हस्ताक्षर गरेका छन्।

निर्जीवन लघुबीमा कम्पनीको रूपमा २०८० साल जेठ ८ गते स्वीकृति प्राप्त गरेको प्रोटेक्टिभ माइक्रो इन्स्योरेन्सले सोही वर्ष असार ३१ गतेदेखि लघु निर्जीवन बीमालेख जारी गर्दै आएको छ। कम्पनीले न्यून आय भएका, सीमान्तकृत वर्गका व्यक्तिहरूलाई बीमाको पहुँच पुर्‍याउँदै आर्थिक जोखिम व्यवस्थापन र अप्रत्याशित घटनाविरुद्ध सुरक्षा प्रदान गर्ने कार्य गरिरहेको छ।

हाल कम्पनीले सातै प्रदेशमा ३३ शाखा कार्यालयमार्फत विभिन्न पहुँचयोग्य निर्जीवन लघुबीमा योजनाहरू सञ्चालन गर्दै आएको छ।