काठमाडौं । लीपमोटरको नेपालका लागि आधिकारिक विक्रेता सांग्रिला मोटर्स प्रालिले लामो समयदेखि प्रतीक्षित इलेक्ट्रिक एसयूभी लीपमोटर बी१० अब चीनबाट नेपालतर्फ प्रस्थान गरिसकेको र छिट्टै डेलिभरी सुरु हुने घोषणा गरेको छ।

काठमाडौंमा आयोजित नाइमा नेपाल मोबिलिटी एक्सपो २०२५ मा निकै राम्रो प्रतिक्रिया र अग्रिम बुकिङ पाएको यो मोडल अब ती अर्डर पूरा गर्न र नेपाली सडकमा नयाँ इलेक्ट्रिक मोबिलिटी ल्याउन तयारी अवस्थामा रहेको कम्पनीले जनाएको छ।

लीपमोटर बी१० मा १६० किलोवाट क्षमताको रियर–व्हील ड्राइभ मोटर र ६७.१ किलोवाट आवर ब्याट्री प्याक जडान गरिएको छ। यसले एक पटकको चार्जमा ६०० किमी (CLTC) र ४६० किमी (WLTP) सम्मको रेञ्ज उपलब्ध गराउनेछ।

आरामदायी र व्यावहारिक दुवै पक्षलाई ध्यानमा राखेर तयार गरिएको यो ईभीमा १८० मिमी ग्राउन्ड क्लियरेन्स, १४.६ इन्च २.५के एचडि टचस्क्रिन, रेकर्डिङ सुविधा सहितको ३६०–डिग्री क्यामेरा, हिटिङ र भेन्टिलेसनसहितका प्रीमियम लेदरेट सिट तथा आफ्नो सेग्मेन्टकै सबैभन्दा ठूलो प्यानोरामिक रूफजस्ता आकर्षक सुविधा रहेका छन्।

सांग्रिला मोटर्सका निर्देशक हेमन्त गोल्छाका अनुसार, बी१० ले नेपालमा अत्याधुनिक विद्युतीय प्रविधि र प्रिमियम सुविधाको संयोजनमार्फत ईभी बजारमा नयाँ मापदण्ड कायम गर्नेछ।