काठमाडौं । हुन्डाई गाडीको नेपालका लागि आधिकारिक वितरक लक्ष्मी इन्टरकन्टिनेन्टल प्रालिले यस वर्षको दशैं–तिहार अफर सार्वजनिक गरेको छ। दशैं सुरु हुन अझै एक महिनाभन्दा बढी बाँकी छँदै कम्पनीले आकर्षक फेस्टिभल अफर घोषणा गरेको हो।

नयाँ अफर अन्तर्गत हुन्डाईको कुनै पनि नयाँ गाडी खरिद गर्दा ग्राहकले सीधै ८ लाख रुपैयाँसम्म छुट पाउनेछन्। साथै, स्क्र्याच कार्डमार्फत १० लाख रुपैयाँसम्म अतिरिक्त नगद छुट र २० हजार रुपैयाँसम्मको लोयल्टी बोनस समेत प्राप्त गर्न सकिनेछ।

त्यसैगरी, गाडी खरिद गर्ने ग्राहकलाई १ वर्षको कम्प्रिहेन्सिभ इन्सुरेन्स र रोड ट्याक्स निःशुल्क पनि उपलब्ध गराइनेछ।

यस अफरमार्फत दशैं–तिहारलाई अझ विशेष बनाउन हुन्डाईले ग्राहकलाई आकर्षक छुट र अतिरिक्त नगद उपहार जित्ने अवसर दिन आह्वान गरेको छ।

हाल हुन्डाईले नेपाली बजारमा मेड इन नेपाल क्रेटा र भन्यूका साथै क्रेटा इलेक्ट्रिक, आयोनिक ५, र ग्रान्ड आई१० निओसजस्ता मोडल उपलब्ध गराउँदै आएको छ।