काठमाडौँ । कृषि विकास बैंक लिमिटेडको १९औँ वार्षिक साधारण सभा आज सम्पन्न भएको छ। सभाले आर्थिक वर्ष २०८१/८२ का लागि सेयरधनीलाई कुल १३ प्रतिशत लाभांश वितरण गर्ने निर्णय पारित गरेको छ।

बैंकले ३.२५ प्रतिशत बोनस सेयर तथा ९.७५ प्रतिशत नगद लाभांश (कर सहित) वितरण गर्ने प्रस्ताव साधारण सभाबाट अनुमोदन गरेको हो। बैंकका अनुसार “क” वर्गका २० वटा वाणिज्य बैंकहरूमध्ये यो लाभांश दर तेस्रो उच्च प्रतिफल हो।

साधारण सभाको अवसरमा बैंक व्यवस्थापनले सम्पूर्ण ग्राहक, सेयरधनी, नेपाल सरकारको अर्थ मन्त्रालय, कृषि तथा पशुपंक्षी विकास मन्त्रालय, बैंकको सञ्चालक समिति, नियमन निकाय, कर्मचारी तथा सम्पूर्ण शुभेच्छुकप्रति निरन्तर सहयोग, विश्वास र सद्भावका लागि हार्दिक धन्यवाद तथा आभार व्यक्त गरेको छ।

बैंकले आगामी दिनमा पनि सुरक्षित, दिगो र परिणाममुखी बैंकिङ सेवामार्फत लगानीकर्ताको विश्वास कायम राख्दै अघि बढ्ने प्रतिबद्धता जनाएको छ।