काठमाडौं । प्राइम कमर्सियल बैंक लिमिटेडको १८ औँ वार्षिक साधारणसभा आज सम्पन्न भएको छ। सभाको अध्यक्षता बैंक सञ्चालक समितिका अध्यक्ष राजेन्द्रदास श्रेष्ठ ले गर्नुभएको थियो।

सभाले आर्थिक वर्ष २०८१÷८२ को मुनाफाबाट शेयरधनीहरुलाई ८ प्रतिशत बोनस शेयर र चुक्ता पूँजीको ०.४२१ प्रतिशत नगद लाभांश दिने निर्णय पारित गरेको छ। बोनस शेयर कर प्रयोजनका लागि उपलब्ध गराइने पनि जानकारी दिइएको छ।

साथै, बैंकको सञ्चालक समितिमा वरिष्ठ आर्थिक पत्रकार डा. गजेन्द्र विष्ट निर्विरोध निर्वाचित भएका छन्। डा. विष्ट यसअघि पनि बैंकको सञ्चालक हुनुहुन्थ्यो।

सभामा अध्यक्ष श्रेष्ठले शेयरधनी, ग्राहक र सम्बन्धित सबैमा आभार व्यक्त गर्दै बैंकले आगामी दिनमा सेवा र शाखा सञ्जाल विस्तार, ग्राहक–केन्द्रित डिजिटल सेवा, र शेयरधनीलाई समयसापेक्ष प्रतिफल वितरण जारी राख्ने प्रतिबद्धता व्यक्त गर्नुभएको छ। समाचार