काठमाडौं। लुम्बिनी विकास बैंक लिमिटेडले मिति २०८२ पुस ३० गते बुधबार आफ्नो १८औं वार्षिक साधारण सभा सम्पन्न गरेको छ। सभाले आर्थिक वर्ष २०८२/८३ को वार्षिक प्रतिवेदन पारित गर्दै सोही वर्षका लागि लेखापरीक्षक नियुक्ति लगायतका प्रस्ताव अनुमोदन गरेको बैंकले जनाएको छ।

साधारण सभा बैंकका सञ्चालक समितिका अध्यक्ष चिन्तामणी भट्टराईको अध्यक्षतामा सम्पन्न भएको थियो। सभामा सहभागी शेयरधनीहरूले उठाएका जिज्ञासाहरूको उत्तर अध्यक्ष भट्टराई र प्रमुख कार्यकारी अधिकृत नरेश सिंह बोहराले प्रदान गरेका थिए।

लुम्बिनी विकास बैंकले देशका ७ वटै प्रदेशमा ८९ शाखा कार्यालय तथा १ विस्तारित काउन्टर मार्फत बैंकिङ सेवा विस्तार गरिरहेको छ।

बैंकले “निरन्तर सहयात्रा” भन्ने नाराका साथ आधुनिक, सुरक्षित र नविनतम प्रविधि सहितको बैंकिङ सेवा प्रदान गर्दै आएको जनाएको छ।