काठमाडौं । नेपाल एसबिआई बैंक लिमिटेडको सिन्धुलीस्थित घ्याङलेख शाखा, बागमति प्रदेशमा मिति २०८२ पौष २९, मंगलबारका दिन साँझ करिब ७:३० बजे डकैतीको घटना भएको छ ।

अपरिचित व्यक्तिहरूको समूहले शाखामा जबर्जस्ती प्रवेश गरी ड्युटीमा रहेका सुरक्षा गार्डमाथि आक्रमण गरी घाइते बनाएको तथा बैंकका कर्मचारीहरूलाई नियन्त्रणमा लिई शाखाको भल्टमा रहेको नगद रकम लुटी घटनास्थलबाट फरार भएका थिए। उक्त घटना बारे स्थानीय प्रहरीलाई तत्कालै जानकारी गराइएको र सम्बन्धित निकायहरूले घटनास्थलमा तुरुन्तै पुगेर अनुसन्धान सुरु गरेका थिए ।

घाइते सुरक्षा गार्डलाई आवश्यक चिकित्सकीय उपचार उपलब्ध गराइएको र बैंकका कर्मचारीहरू सुरक्षित रहेको जानकारी गराईन्छ । यस घटनामा प्रहरीको सक्रियता चुस्त हुनुका साथै, आवश्यक सुरक्षा उपायहरू तत्कालै अपनाइएको थियो । थप अनुसन्धानका लागि बैंकले सम्बन्धित निकायहरूलाई पूर्ण सहयोग गरिरहेको जानकारी गराइन्छ ।