काठमाडौँ । आई. एम. ई. लाइफ इन्स्योरेन्स कम्पनीले आफ्ना एजेन्सि लिडरहरुलाई नेसनल एन्टिमनि लण्डरिङ्ग डेको अवसरमा सम्पत्ति शुद्धीकरण, आतंककारी कार्य तथा आम विनाशकारी हातहतियार निर्माण वा विस्तारमा हुने वित्तीय लगानी निवारण (AML/CFT) सम्बन्धी तालिम प्रदान गरेको छ।

तालिममा जीवनबीमा क्षेत्रमा सम्भावित जोखिमको पहिचान, रोकथाम, सम्पत्ति शुद्धीकरण निवारण सम्बन्धी कानून, नेपाल बीमा प्राधिकरणबाट जारी निर्देशिका र निर्देशनहरू लगायतका विषयमा जानकारी दिइएको थियो। कम्पनीका अनुसार, AML/CFT कानूनको पालनाले कम्पनीको सुशासन सवल बनाउने र ग्राहकको विश्वास बढाउने विश्वास रहेको छ।

तालिमको समापनमा कम्पनीका प्रमुख कार्यकारी अधिकृत श्री पवन कुमार खड्काले सम्पूर्ण अभिकर्तालाई कानूनी व्यवस्थाहरू पूर्णरुपमा पालना गर्न र वित्तीय लगानी निवारणमा कटिबद्ध भएर लाग्न निर्देशन दिनुभयो।