दमक । नेकपा (एमाले) अध्यक्ष केपी शर्मा ओली पक्राउको विरोधमा झापाको दमकमा कार्यकर्ताहरूले मसाल जुलुस प्रदर्शन गरेका छन्।
शनिबार साँझ आयोजित उक्त जुलुसमा सहभागीहरूले सरकारले गरेको कदमको कडा विरोध गर्दै तत्काल रिहाइको माग गरेका थिए। प्रदर्शनकारीहरूले नाराबाजी गर्दै दमक बजार क्षेत्र परिक्रमा गरेका थिए।

स्थानीय एमाले नेता तथा कार्यकर्ताहरूको नेतृत्वमा भएको जुलुस शान्तिपूर्ण रूपमा सम्पन्न भएको जनाइएको छ। उनीहरूले राजनीतिक प्रतिशोधका आधारमा गरिएको पक्राउ स्वीकार्य नहुने भन्दै चेतावनीसमेत दिएका छन्।
यस घटनापछि दमक क्षेत्रमा सुरक्षाकर्मीको उपस्थिति बढाइएको छ भने अवस्था सामान्य रहेको स्थानीय प्रशासनले जनाएको छ।