२८ असार, पर्सा – पर्साको वीरगञ्जस्थित भवानी अस्पतालमा डेंगुका २ जना बिरामी भेटिएका छन् । डेंगु संक्रमित वीरगंज नगवाका ६० बर्षीय एक पुरुष र १५ बर्षीय एक किशोरको उपचार भईरहेको अस्पतालका सञ्चालक राम श्रेष्ठले जानकारी दिनुभयो । अघिल्ला बर्षहरुमा भदौ मसान्त र असोजको पहिलो सातामात्र देखिने डेंगु संक्रमण यसबर्ष दुई महिना अगाडि नै देखा परेको हो ।

वीरगञ्जको नगवा, भिष्वा, इनर्वा, पोखरिया र श्रीपुर क्षेत्रका बासिन्दामा डेंगुको संक्रमण बढी देखिने गरेको पाईएको छ । जिल्ला जनस्वास्थ्य कार्यालय पर्साले भने जिल्लामा डेंगु देखिएको आधिकारिक जानकारी नभएको बताएको छ ।