काठमाडौँ । बालेन शाहले प्रतिनिधिमार्फत आफ्नो निर्वाचन खर्च विवरण निर्वाचन कार्यालयमा बुझाएका छन्। राष्ट्रिय स्वतन्त्र पार्टी (रास्वपा) का वरिष्ठ नेता शाहले सोमबार खर्च विवरण बुझाएको जनाइएको छ।

निर्वाचन आयोग नेपाल अन्तर्गतको जिल्ला निर्वाचन कार्यालय झापा मा बुझाइएको विवरणअनुसार उनले प्रतिनिधिसभा निर्वाचनमा जम्मा १४ लाख १७ हजार २८९ रुपैयाँ खर्च गरेको उल्लेख गरेका छन्।

शाह झापा–५ बाट प्रतिनिधिसभा सदस्यमा निर्वाचित भएका हुन्। उक्त क्षेत्रमा उनले केपी शर्मा ओलीलाई पराजित गर्दै जित हासिल गरेका थिए।

निर्वाचन खर्च विवरणमा सवारीसाधन भाडा, चुनावी प्रचार–प्रसार, कार्यालय सञ्चालन, कार्यकर्ता परिचालन तथा विभिन्न प्रचार सामग्री उत्पादनजस्ता शीर्षकमा खर्च गरिएको उल्लेख गरिएको छ। विवरणमा साना–ठूला सवारी भाडा, मतदाता प्रशिक्षण कार्यक्रम, घरदैलो प्रचार, पार्टी कार्यालय सञ्चालन तथा प्रचार सामग्री छपाइमा भएको खर्च समेटिएको छ।