काठमाडौं। सिटिजन लाइफ इन्स्योरेन्सको प्रमुख कार्यकारी अधिकृत (सीईओ) मा पोषकराज पौडेल पुनः नियुक्त भएका छन्। आगामी चार वर्षका लागि उनकाे कार्यकाल निरन्तरता दिन बीमा समितिले स्वीकृति प्रदान गरेको कम्पनीले जनाएको छ।

पौडेलको पहिलो कार्यकाल यसै पुस महिनामा सकिँदैछ। चार वर्षे नेतृत्वकालमा कम्पनीलाई स्थिरता र व्यवसायिक वृद्धितर्फ अघि बढाउन उनले महत्वपूर्ण भूमिका निर्वाह गरेको मूल्यांकन गरिएको छ। सोही कारण सञ्चालक समितिले दोस्रो कार्यकालका लागि उनीमाथि पुनः विश्वास प्रकट गरेको हो।

पौडेलले २०७४ साल माघदेखि सिटिजन लाइफ इन्स्योरेन्सको सीईओको जिम्मेवारी सम्हाल्दै आएका छन्। उनको नेतृत्वमा कम्पनीले बजार विस्तार, बीमालेखी सेवामा सुधार, दाबी भुक्तानी प्रक्रियामा सहजता तथा समग्र व्यवस्थापनमा उल्लेखनीय प्रगति हासिल गरेको बताइएको छ।