८ जेठ , काठमाडौँ- कमजोर संगठन, साधान श्रोतको कमि एवं पार्टीको वैचारिक निष्ठा र राजनीतिक अडानका बारेमा भ्रम र्सिजना गरिएका कारण पहिलो चरणको स्थानीय तह निर्वाचनमा अपेक्षाकृत परिणाम प्राप्त नभएको निष्कर्ष राष्ट्रिय प्रजातन्त्र पार्टीले निकालेको छ । राजधानीको धुम्बाराहीस्थित पार्टी कार्यलयमा आज बसेको केन्द्रिय कार्यसम्पादन समितिको बैठकले बैचारिक निष्ठा र राजनीतिक अडानबारे योजनावद्ध ढंगले र्सिजना गरिएको भ्रम, आफुहरुको हारको मुख्य कारण भएको निचोड निकालेको हो ।

बैठकले पहिलो चरणको निर्वाचनबाट पाठ सिकेर कमि कमजोरीलाई सुधार गर्दै दोश्रो चरणको निर्वाचनको तयारीमा जुट्न पार्टीका तहका निकाय र कार्यकर्तालाई आग्रह गरेको छ । बैठकले दोस्रो चरणको निर्वाचनको रणनिति तय गर्न आगामी २१ गते जिल्ला स्तरीय कार्यकर्ता भेला गर्ने निर्णय समेत गरेको छ । आगामी चुनावमा विभिन्न राजनीतिक दलसंग तालमेल गर्न जिल्ला कार्य समितिलाई जिममेवारी दिइएको छ । दोश्रो चरणको चुनावी अभियानलाई थप सुदृढ र प्रभावकारी तुल्याउन आगामी १५ गते देखि चुनाव सम्पन्न नभएसम्म अनिर्वाय रुपमा जिल्लामा रहेर क्रियाशिल हुन पार्टी पंक्तिलाई निर्देशन दिएको पार्टीका प्रबक्ता भुवन पाठकले जानकारी दिनुभयो । दोश्रो चरणको निर्वाचनको आचांर संहिता लागु भइसकेको अवस्थामा दीर्घकालिन योजना र कार्यक्रम सहितको पुर्ण बजेट ल्याउनु उपयुक्त नहुने भन्दै राप्रपाले साधारण बजेट मात्र संसदमा पेश गर्न सरकारसंग माग गरेको छ ।