काठमाडौं । सोलुखुम्बूको लुक्लाबाट काठमाडौं उडान गरेका चारवटा हेलिकप्टर काभ्रेको जोरपाटी भन्ने स्थानमा आकस्मिक अवतरण गरिएको छ। मौसममा खराबी आएपछि हेलिकप्टरको आकस्मिक अवतरण गरिएको हो
। ‘धान खेतमा आकस्मिक अवतरण भएको जानकारी पाएका छौँ। कुनै पनि क्षति भएको छैन। चालकले मौसममा खराबी आएका कारण आकस्मिक अवतरण गरेको जनाएका छन्,’ काभ्रेका प्रहरी प्रमुख एसपी जयराम सापकोटाले भने।

एसपी सापकोटाका अनुसार सिम्रिक एयरका दुईवटा, मनाङ र कैलाश एयरका एक/एक हेलिकप्टर आकस्मिक अवतरण गरिएको हो। जसमध्ये तीनवटा हेलिकप्टर जोरपाटी र अर्को नेपालथोकमा अवतरण गरिएको हो।