काठमाडौं –स्वास्थ्य सेवाका कर्मचारी समायोजनदेखि नै विवादमा मुछिएकाकर्मचारी हुन् महेन्द्र प्रसाद श्रेष्ठ । स्वास्थ्य सेवाको कर्मचारी समायोजनको क्रममा लफडा गरेको चार्ज उनीमाथि लाग्दै आएको थियो ।
स्वास्थ्यमन्त्री भानुभक्त ढकाल नियुक्त भएपछि सिनियर डाक्टरहरुलाई उपेक्षा गर्दै महेन्द्रलाई बोकेर स्वास्थ्य सेवा विभागको हाकिम बनाए । त्यहँँ पनि मेडिकल माफियाहरुको स्वार्थ अनुकुल हुनेगरी मात्र काम गरे । सिंगो मूलुक कोरोनासँग लडिहरँदा महेन्द्र श्रेष्ठ र भोगेन्द्र डोटेलहरुको समूह गुणस्तरहीन ठानिएको आरडिटी कीट ल्याउनमै जोड बल गरिरहे ।

पहिलो चरणमा ७५ हजारको संख्यामा ओम्नी समूहसँग यस्तो कीट ल्याइएकोमा गत साता मात्र थप १ लाख २५ हजार संख्यामा फेरि आरडिटी कीट भित्राउन महेन्द्रहरु सफल भए । तेश्रो चरणमा डेढ लाख संख्यामा आरडिटी कीट खरिद प्रक्रिया अघि बढाइरहेकै बेला गत बिहिबार स्वास्थ्य सेवा विभागबाट मन्त्रालयमा तानिएका महेन्द्र श्रेष्ठ र भोगेन्द्र डोटेलहरु । शुक्रवारै उनै महेन्द्रलाई नयाँ जिम्मेवारी दिइएको छ । मेडिकल सामाग्री खरिद प्रकरणमा मुछिएका महेन्द्र प्रसाद श्रेष्ठलाई नयाँ जिम्मेवारी दिइएको छ ।
लाई छाउनीस्थित सिएमसीको कार्यालयमा काजमा खटाइएको छ । त्यहाँ प्रधानमन्त्री कार्यालयका सचिव संयोजक छन्।

कोभिड—१९ क्राइसिस म्यानेजमेण्ट सेन्टर सिसीएमसीमा सेनाका दुई तारे जर्नेल,स्वास्थ्य तथा जनसंख्या मन्त्रालयको १२ औं तहका प्रमुख विशेषज्ञ र अर्थ मन्त्रालयका सह—सचिव सहितको समिति रहेको छ । सोही समितिमा काजमा महेन्द्रलाई खटाइएको हो।सो सेन्टरअन्तर्गत मेडिकल, सुरक्षा, सामाग्री व्यवस्थापन र संचार हेर्ने छुट्टै टिम रहेको छ । जसमा मेडिकलतर्फ स्वास्थ्य मन्त्रालय योजना अनुगमन तथा मुल्यांकन शाखाका प्रमुख डा। गुणराज लोहनी नेतृत्वको टिमले हेर्छ । त्यसैगरी सुरक्षा हेर्ने गृह मन्त्रालयका सह—सचिव रहेका छन् भने सामाग्री व्यवस्थापन स्वास्थ्य सेवा विभागको महानिर्देशकलाई जिम्मा दिइएको छ । संचारको जिम्मेवारी स्वास्थ्य तथा जनसंख्या मन्त्रालयका प्रवक्तालाई दिइएको छ । हेर्न बाँकी छ उनले सिएमसीका के कस्ता लफडा मच्चाउने हुन् ।