काठमाडौं । एनएमबि ५० को साउन मसान्तसम्म आइपुग्दा प्रतिइकाई खुद सम्पति मूल्य (न्याभ) १० रुपैयाँ ९७ पैसा कायम भएको छ ।

यो असार महिनाको भन्दा ०८ पैसा बढी हो । असारमा यसको न्याभ १० रुपैयाँ ९० पैसा रहेको थियो । यसको सूचीकृत कम्पनीको सेयरमा लगानी ५७ करोड ५३ लाख ३६ हजार रुपैयाँ पुगेको छ ।

यो अघिल्लो महिनाको भन्दा २५ करोड २४ लाख ७७ हजार रुपैयाँ बढी हो । जेठमा यस फन्डको सूचीकृत कम्पनीको सेयरमा ३२ करोड २८ लाख ५९ हजार रुपैयाँ लगानी रहेको थियो ।

यता, असारमा ७९ करोड ८७ लाख ७६ हजार रुपैयाँ रहेको बैंक मौज्दात साउनमा ४७ करोड ७८ लाख ८७ हजार रुपैयाँमा आएको छ । यस अवधिमा यो फन्डले ३८ वटा सूचीकृत कम्पनीको सेयरमा लगानी गरेको छ ।

सबैभन्दा धेरै एनआइसी एसिया बैंकको सेयरमा लगानी रहेको छ । यस बैंकको ६३ हजार ६१ कित्ता सेयरमा ३ करोड ५६ लाख ९२ हजार रुपैयाँ लगानी गरिएको हो ।