मुख्य खबर

६ लाखले पाउने आइपीओ ल्याउन बीमा कम्पनीले पायो यस्तो रेटिङ,कस्तो छ कम्पनीको अवस्था ?

  • आर्थिक प्लस संवाददाता

    २०७८ असार ८ गते, मंगलवार १०:१० मा प्रकाशित

काठमाडौं । आइएमई लाइफ इन्स्योरेन्सले प्राथमिक साधरण सेयर (आइपीओ) निष्काशन गर्न रेटिङ सम्पन्न गराएको छ ।

कम्पनीको आइपीओलाई रेटिङ एजेन्सी केयर नेपालले ‘केयरएनपी बीबीबी अर्थात् ट्रिपल बि’ रेटिङ प्रदान गरेको छ । यसले कम्पनीको समयमै वित्तीय दायित्व पूरा गर्ने क्षमता मध्यम स्तरको रहेको जनाउँदछ ।

कम्पनीले प्रतिकित्ता १०० रुपैयाँ दरले ६० करोड रुपैयाँ बराबरको ६० लाख कित्ता आइपीओ जारी गर्न लागेको हो ।

कम्पनीले बीमा समितिले तोकेको न्यूनतम चुक्ता पूँजी २ अर्ब कायम गर्न सर्वसाधारणमा सेयर जारी गर्ने भएको हो । हाल १ अर्ब ४० करोड रुपैयाँ चुक्ता पूँजी रहेको कम्पनीको आइपीओ निष्काशन पछि चुक्ता पूँजी २ अर्ब पुग्नेछ ।

आइपीओ निष्काशन गर्न कम्पनीले सिभिल क्यापिटललाई शेयर निष्काशन तथा विक्री प्रबन्धक नियुक्त गरिसकेको छ।