काठमाडौं । आर्थिक मिडिया सञ्चालकहरुको संस्था इकोनोमिक मिडिया सोसाइटी नेपाल (इम्शन) ले स्थापनाको पाँचौ वार्षिकोत्सव मनाएको छ ।

 

बुधबार एक कार्यक्रमकाबीच शुभकामना आदानप्रदानसहित केक काटेर वार्षिकोत्सव मनाइएको हाे । कार्यक्रममा इम्शनका सदस्यको उपस्थिति थियोे ।

 

हालै मात्र सम्पन्न भएकाे संस्थाको चौथाे तथा पाँचौं वार्षिक साधारण सभाले बिजखबर डटकमका सञ्चालक रामराजा श्रेष्ठको नेतृत्वमा नयाँ कार्यसमिति चयन गरेको थियाे ।

कार्यसमितिको उपाध्यक्षद्धयमा बिजशाला डटकमका सोमनाथ बास्तोला, बिजपाटी डटकमका सञ्चालक लोचन खतिवडा, महासचिवमा सिंहदरबार डटकमका नारायण पौडेल, सचिवमा टक्सार म्यागाजिनका हिम विष्ट, सहसचिवमा अर्थपथ डटकमका बिष्णु जम्कटेल तारुके, कोषाध्यक्षमा इन्स्योरेन्स खबर डटकमका केशव भण्डारी, सदस्यहरुमा अर्थसरोकार डटकमका सुरज प्याकुरेल, अर्थसंसार डटकमका मिलन खड्का, आर्थिकआवाज डटकमका सुरेन्द्र पौडेल र अर्थतन्त्र डटकमकी सुवद्रा थापा सर्वसम्मत चयन भएका थिए ।

 

हाल इम्शनमा विभिन्न विधाका २७ वटा आर्थिक मिडियाहरु आवद्ध रहेका छन् । आर्थिक मिडियाहरुको व्यवसायिक विकास र दक्षता वृद्धिका लागि इम्शन स्थापना भएको हो।