काठमाडौं । साना किसान विकास लघुवित्तको २२ औं वार्षिक साधारण सभा सम्पन्न भएको छ । कम्पनीको सभा कृषि विकास बैंकको केन्द्रीय कार्यालय तालिम प्रतिष्ठान, बोडे, भक्तपुरमा सम्पन्न भएको हो ।

सभाले सभाले १४.२५ प्रतिशत बोनस शेयर र कर प्रयोजनको लागि ०.७५ प्रतिशत नगद लाभांश वितरण गर्ने प्रस्ताव पारित गरेको छ ।

त्यस्तै, सभाले गत आवको वार्षिक प्रतिवेदन, चालु आवको लागि लेखापरीक्षकको नियुक्ति र निजको पारिश्रमिक निर्धारण, कम्पनीसँग उपयुक्त लघुवित्त वित्तीय संस्था गाभ्न र गाभिन उपयुक्त देखिएमा त्यससम्बन्धी सम्पूर्ण कार्यहरू गर्न सञ्चालक समितिलाई अख्तियारी प्रदान गर्ने प्रस्ताव पनि पारित गरेको छ ।