ललितपुर, वैशाख १० — Nepal Insurance Authority (नेपाल बीमा प्राधिकरण) ले बीमकहरूको आन्तरिक लेखापरीक्षण प्रणालीलाई थप प्रभावकारी बनाउने उद्देश्यसहित अन्तरक्रिया कार्यक्रम आयोजना गरेको छ। कार्यक्रम प्राधिकरणको केन्द्रीय कार्यालय कुपण्डोलमा सम्पन्न भएको हो।

प्राधिकरणले जारी गरेको ‘बीमकको आन्तरिक लेखापरीक्षण निर्देशिका, २०७९’ लाई समयानुकूल परिमार्जन गर्ने तयारीस्वरूप सरोकारवालाबाट सुझाव संकलन गर्न कार्यक्रम आयोजना गरिएको जनाएको छ।

कार्यक्रममा प्राधिकरणका कार्यकारी निर्देशक Sushil Dev Subedi ले बीमा क्षेत्रमा बढ्दो जोखिम व्यवस्थापनका लागि आन्तरिक लेखापरीक्षणलाई अझ व्यवस्थित, व्यावसायिक र प्रभावकारी बनाउनुपर्ने आवश्यकता औंल्याउनुभयो। उहाँले प्रस्तावित संशोधनमा समेटिनुपर्ने विषय र सुधार गर्नुपर्ने पक्षबारे सहभागीहरूसँग सुझाव माग गर्नुभयो।

यस अवसरमा सहायक निर्देशक Gokul Raj Dahal ले परिमार्जन हुन लागेको निर्देशिकाको मस्यौदामा समावेश गरिएका प्रमुख विषयवस्तु प्रस्तुत गर्नुभयो। सहभागीहरूले जोखिम मूल्यांकन, शाखा अडिट कभरेज, नमूना छनोट, आन्तरिक अडिट कार्यप्रणाली तथा प्रतिवेदन प्रणाली सुधारका विषयमा आफ्ना धारणा राखेका थिए।

प्राधिकरणका उपनिर्देशक राजेन्द्र महर्जनले कार्यक्रमबाट प्राप्त सुझावलाई समेटेर निर्देशिकालाई अन्तिम रूप दिइने जानकारी दिनुभयो।

कार्यक्रममा प्राधिकरणका निर्देशक पूजन ढुङ्गेल अधिकारी र शाम्भ राज लामिछानेसहित विभिन्न बीमा कम्पनीका आन्तरिक लेखापरीक्षण प्रमुख तथा अडिटरहरूको सहभागिता रहेको थियो।