काठमाडौं। विश्वव्यापी मौसम प्रणाली ‘एल निनो’ (El Niño) को प्रभावका कारण यस वर्ष नेपालमा तापक्रम उल्लेख्य रूपमा बढ्ने र लामो समयसम्म तातो हावा चल्ने अनुमान गरिएको छ। यही अवस्थालाई मध्यनजर गर्दै सिजी ब्रान्डले उच्च तापक्रममा पनि प्रभावकारी शीतलन प्रदान गर्ने उच्च कार्यक्षमताका एयर कुलरहरूको विस्तृत श्रृंखला बजारमा उपलब्ध गराएको छ।

कम्पनीका अनुसार निरन्तरको गर्मी र सम्भावित भोल्टेज उतारचढावलाई ध्यानमा राख्दै सिजीका एयर कुलरहरू विशेष प्रविधिसहित डिजाइन गरिएका छन्। खुला तथा अर्ध–खुला स्थानमा तत्काल चिसोपन उपलब्ध गराउन यी कुलरहरू प्रभावकारी समाधानका रूपमा प्रस्तुत गरिएको कम्पनीको दाबी छ।

 

 

सिजीले ग्राहकको आवश्यकता, स्थानको आकार तथा हावाको प्रवाहअनुसार विभिन्न मोडेलका एयर कुलर बजारमा ल्याएको छ। डेजर्ट कुलरमा उच्च पानी भण्डारण क्षमता र शक्तिशाली मोटर जडान गरिएको छ, जसले ठूला तथा खुला स्थानमा बलियो हावाको प्रवाह दिन सक्छ। टावर कुलर स्लिम तथा आकर्षक डिजाइनमा उपलब्ध छ, जसले कम स्थान ओगटेर कोठाभर समान रूपमा हावा वितरण गर्छ।

त्यसैगरी, पर्सनल कुलर साना कोठा वा व्यक्तिगत प्रयोगका लागि ऊर्जा–दक्ष विकल्पका रूपमा उपलब्ध छ भने विन्डो कुलर झ्यालमा जडान गर्न मिल्ने डिजाइनमा तयार गरिएको छ, जसले बाहिरी ताजा हावा भित्र ल्याई क्रस–भेन्टिलेसनलाई प्रभावकारी बनाउँछ।

सिजी एयर कुलरमा उन्नत हनीकम्ब कुलिङ प्याड, आइस च्याम्बर प्रविधि, कम विद्युत् खपत गर्ने ऊर्जा–दक्ष प्रणाली तथा इन्भर्टरमा समेत सञ्चालन गर्न मिल्ने सुविधा उपलब्ध रहेको कम्पनीले जनाएको छ। साथै, अटोमेटिक लुभर्स प्रणालीमार्फत कोठाको चारैतिर समान रूपमा हावा प्रवाह हुने व्यवस्था गरिएको छ।

‘एक्सपिरियन्स लाइफ विथ सिजी’ नाराअन्तर्गत कम्पनीले अत्यधिक गर्मी र एल निनोबाट उत्पन्न चुनौतीपूर्ण मौसममा उपभोक्तालाई आधुनिक, भरपर्दो र प्रभावकारी शीतलन समाधान उपलब्ध गराउने प्रतिबद्धता जनाएको छ।

सिजीका एयर कुलरहरू देशभर रहेका २१ वटा सिजी डिजिटल शोरुम, कम्पनीका आधिकारिक वेबसाइट तथा आधिकारिक बिक्री केन्द्रहरूबाट खरिद गर्न सकिने कम्पनीले जानकारी दिएको छ।