काठमाडौं । नेशनल लाइफ इन्स्यारेन्स कम्पनी लिमिटेडले ‘ब्रान्च म्यानेजर्स एन्युअल कन्फरेन्स’ भव्य रुपमा सम्पन्न गरेको छ ।

आर्थिक वर्ष २०८०।०८१ मा उत्कृष्ट कार्य सम्पादन गरेका ब्रान्च म्यानेजर्सहरुलाई सम्मान गर्न र चालु आवका व्यवसायिक रणनितीहरु सम्बन्धि छलफलको लागि उक्त कन्फरेन्स गरिएको कम्पनीले जनाएको छ । चितवनको सोल्टी वेस्टेड रिसोर्टमा ११८ जना भन्दा बढी ब्रान्च म्यानेजर्सको सहभागितामा कार्यक्रम सम्पन्न भएको छ ।

कम्पनी सञ्चालक समितिकी अध्यक्ष प्रेमा राज्य लक्ष्मी सिंहले कर्मचारीहरुलाई उनीहरुले गरेको कार्यको तारिफ गर्दै हौसल प्रदान गरेकी छिन् । उनले उत्कृष्ट कर्मचारीहरुलाई सम्मान समेत गर्दैै प्रोत्साहन गरेकी छिन् ।

 

कार्यक्रमलाई सम्बोधन गर्दै प्रमुख कार्यकारी अधिकृत सुरेश प्रसाद खत्रिले विभिन्न विधामा उत्कृष्ट कार्यसम्पादन गर्न सफल भएका ब्रान्च म्यानेजर्सहरुलाई धन्यवाद ज्ञापन गरेका छन् । साथै उनले नेशनल लाइफको वित्तीय अवस्था पनि एकदम बलियो बन्दै गएको र आउँदो दिनमा अझ सशक्त भएर अगाडी बढ्नु पर्ने बताए ।

चितवनमा भव्य रुपमा सम्पन्न भएको उक्त कन्फरेन्समा गत आवमा विभिन्न बिधामा उत्कृष्ट कार्य सम्पादन गरेका ब्रान्च म्यानेजर्सहरुलाई सम्मानित गरेको छ । देशभरीका ब्रान्च म्यानेजरहरुको सहभागिताले आपसी चिनजान र सम्बन्ध विस्तारमा समेत सहयोग पुग्ने कर्मचारीहरुको प्रतिक्रिया दिएका छन् ।

कम्पनीले सहभागि भएका सबै ब्रान्च म्यानेजर्सहरुको योग कक्षाहरु सञ्चालन गराउँनुका साथै विभिन्न खेलकुदहरुको समेत व्यवस्था गरेको थियो ।कार्यक्रममा कम्पनी सञ्चालक समितिकी अध्यक्ष प्रेमा राज्य लक्ष्मी सिंह, प्रमुख कार्यकारी अधिकृत सुरेश प्रसाद खत्रि लगायतका व्यवस्थापकीय कर्मचारी र देशभरीका ब्रान्च म्यानेजर्सको सहभागिता रहेको थियो ।