काठमाडौं। नेपाल एसबिआई बैंक लिमिटेडले आफ्नो सामाजिक उत्तरदायित्व कार्यक्रम अन्तर्गत कास्की जिल्लाको पोखरा महानगरपालिका वडा नं. २५ स्थित श्री बालकल्याण आधारभूत विद्यालय, हेमजाका सम्पूर्ण विद्यार्थीहरूलाई स्कुल झोला तथा शैक्षिक सामग्री प्रदान गरेको छ।

एक विशेष कार्यक्रमका बीच बैंकका प्रबन्ध संचालक तथा प्रमुख कार्यकारी अधिकृत श्री राम कुमार तिवारीले विद्यालय व्यवस्थापन समितिका अध्यक्ष र विद्यालयका प्रधानाध्यापकलाई ती सामग्रीहरू हस्तान्तरण गरेका थिए।

कार्यक्रममा बैंकका नायब प्रमुख कार्यकारी अधिकृत तथा प्रमुख वित्तीय अधिकृत श्री राजेश कुमार पंडा, प्रमुख संचालन अधिकृत श्री विकास आनन्द, प्रमुख जोखिम तथा अनुपालन अधिकृत श्री विष्णुदेव यादव, सहायक महाप्रबन्धक श्री अर्जुन नेपाल, प्रमुख कर्जा अधिकृत श्री रोशन कोइराला तथा अन्य उच्च पदाधिकारी र विद्यालयका शिक्षकहरूको उपस्थिति रहेको थियो।

नेपाल एसबिआई बैंकले शिक्षा क्षेत्रको उत्थानका लागि यस्ता सामाजिक उत्तरदायित्व कार्यक्रमहरू समय समयमा सञ्चालन गर्दै आएको छ।

३१ वर्षदेखि निरन्तर सेवा प्रदान गर्दै आएको नेपाल एसबिआई बैंकको हाल देशभर १०० शाखा, २२ एक्स्टेन्सन काउन्टर, १८ शाखारहित बैंकिङ सेवा, ७ प्रादेशिक कार्यालय, १२५ एटिएम र १ कर्पोरेट कार्यालय सञ्चालनमा छन्।