काठमाडौं । नर्भिक इन्टरनेशनल हस्पिटल लिमिटेडले सर्वसाधारणका लागि २५ लाख कित्ता साधारण शेयर निष्काशन गर्ने भएको छ । यसका लागि कम्पनीले निष्काशन तथा बिक्री प्रबन्धकमा लक्ष्मी सन्राइज क्यापिटल लिमिटेडलाई नियुक्त गरेको छ । सम्झौतामा नर्भिक इन्टरनेशनल हस्पिटलका प्रमुख कार्यकारी अधिकृत अजय कुमार मिश्र र लक्ष्मी सन्राइज क्यापिटलका प्रमुख कार्यकारी अधिकृत बिजय लाल श्रेष्ठले हस्ताक्षर गरेका छन् ।

सन् १९९३ मा ३० शैयाको सामान्य सुविधासहित सेवा प्रारम्भ गरेको नर्भिक अस्पताल हाल २०० शैयाको बहु–विशेषज्ञ अस्पतालका रुपमा सञ्चालनमा छ । अस्पताललाई ३०० शैयामा स्तरोन्नति गर्ने प्रक्रियामा रहेको नर्भिकले अत्याधुनिक पूर्वाधार र नवीनतम चिकित्सा प्रविधि मार्फत बिरामीलाई काठमाडौंमै विश्वस्तरीय स्वास्थ्य सेवा उपलब्ध गराउँदै आएको छ ।