एनआईसी एशिया बैंकका ग्राहकहरूले आईएमई हस्पिटालिटीमा १०प्रतिशत छुट पाउने
Friday Dec 26, 2025
वि.सं.२०८२ पुस ११ शुक्रवार २२:३९
काठमाडौं । एनआईसी एशिया बैंक लिमिटेड र आईएमई हस्पिटालिटी प्रा. लि. बीच बैंकका ग्राहकहरूलाई विभिन्न सेवाहरूमा विशेष छुट उपलब्ध गराउने समझदारी पत्रमा हस्ताक्षर भएको छ। बैंकतर्फ डिजिटल एण्ड ट्रान्जेक्सन बैंकिङ्ग प्रमुख श्री विमल लम्साल र आईएमई हस्पिटालिटी तर्फ प्रमुख कार्यकारी अधिकृत श्री प्रसन्न अधिकारी ले हस्ताक्षर गर्नुभयो।
यस समझदारीअनुसार, बैंकको डेबिट र क्रेडिट कार्ड प्रयोगकर्ताहरू आईएमई हस्पिटालिटीका होटल, रेष्टुरेन्ट र केबलकार सेवामा १०प्रतिशत छुट पाउनेछन्। सुविधा उपलब्ध सेवाहरू :
होटल: ले हिमालय (लाजिम्पाट), इला होटल्स एण्ड रिसोर्ट्स (मौलाकाली), इला कम्फर्ट (बाग्लुङ), द लेकसाइड रिसोर्ट (पोखरा)
रेष्टुरेन्ट: सेक एण्ड फेंग (लाजिम्पाट)
केबलकार: मौलाकाली र लुम्बिनी केबलकार
ग्राहकहरूले छुट पाउन एनआईसी एशिया बैंकको डेबिट वा क्रेडिट कार्ड प्रयोग गरी भुक्तानी गर्नुपर्नेछ।
बैंकले यस सहकार्यले ग्राहक सुविधा मात्र नभई डिजिटल भुक्तानी प्रवद्र्धन र नगदरहित कारोबारमा सहयोग पुग्ने विश्वास व्यक्त गरेको छ।
