ललितपुर । सूर्योदय वोमी लघुवित्त वित्तीय संस्था लिमिटेडको १५औँ वार्षिकोत्सव विविध कार्यक्रमका साथ सम्पन्न भएको छ। कार्यक्रम २०८२ फागुन २५ गते ललितपुरको महालक्ष्मी–४, बोचुहाइटस्थित संस्थाको कर्पोरेट कार्यालयमा आयोजना गरिएको थियो।

संस्थाका प्रमुख कार्यकारी अधिकृत मोक्ष प्रसाद पंगेनीको अध्यक्षतामा सम्पन्न कार्यक्रममा संस्थाका नायव प्रमुख कार्यकारी अधिकृत, प्रहरी प्रभाग इमाडोलका प्रतिनिधिहरू, संस्थाका उच्च व्यवस्थापनका कर्मचारी, कर्पोरेट कार्यालय तथा शाखा कार्यालयका कर्मचारीहरू र स्थानीय व्यक्तिहरूको उपस्थिति रहेको थियो।

कार्यक्रममा नायव प्रमुख कार्यकारी अधिकृत प्रमेश आचार्यले स्वागत मन्तव्य राख्दै कार्यक्रमको उद्देश्य र संस्थाका गतिविधिबारे जानकारी गराएका थिए। प्रमुख कार्यकारी अधिकृत पंगेनीले संस्थाले अति विपन्न वर्गलाई वित्तीय सेवा प्रदान गरी उनीहरूलाई आत्मनिर्भर बनाउन योगदान पुर्‍याउँदै देशको अर्थतन्त्रमा महत्वपूर्ण भूमिका खेलिरहेको बताए।

सो अवसरमा संस्थामा लगातार १० वर्ष सेवा गरेका कर्मचारीहरूलाई सम्मान गरिएको थियो। साथै प्रहरी प्रभाग इमाडोल, ललितपुरलाई आवश्यक स्टेशनरी सामग्री हस्तान्तरण गरी मायाको चिनो प्रदान गरिएको थियो।

कार्यक्रमको सहजीकरण संस्थाका कर्मचारी लक्ष्मी अर्यालले गरेकी थिइन्।

हाल संस्थाले देशका सातै प्रदेशका ५५ जिल्लामा रहेका १६७ शाखा कार्यालयमार्फत करिब १ लाख ९५ हजार ग्राहक सदस्यलाई वित्तीय सेवा प्रदान गर्दै आएको जनाएको छ।